பக்கங்கள்

வெள்ளி, 7 ஜூன், 2024

சுயமரியாதைச் சுடரொளி: புலவர் குழந்தை


2022 செப்டம்பர் 16 -30 2022
உண்மை இதழ்

ஆரியர் செருக்கறுத்து திராவிடர் தலைநிமிர தன்மான இயக்கம் கண்ட தந்தை பெரியாரின் போர்ப்படை தளபதிகளாய் மிளிர்ந்த தமிழ்ப் புலவர்கள் பலர். அவர்-களில் தலையாய இடத்தில் வைத்துப் போற்றப்-பட வேண்டியவர் புலவர் குழந்தை என்று சொன்னால் அது மிகையாகாது. புலவர் குழந்தை அவர்கள் பன்முகத் திறனாளர். இளமையிலேயே ‘பா’ புனையும் ஆற்றலுடையோராய்த் திகழ்ந்தார்.
1.7.1906ஆம் ஆண்டு முத்துசாமி _ சின்னம்மையாருக்கு ஒரே மகனாகப் பிறந்த இவர், தாமே முயன்று படித்து 1934ஆம் ஆண்டு புலவராகத் தேறினார். 39 ஆண்டுகள் மாணவச் செல்வங்களிடை அறிவொளி பரப்பும் ஆசிரியப் பணியாற்றினார்.

தமிழ்ப் புலவர்கள் பலரும் தன்மான உணர்ச்சியும், பகுத்தறிவுச் சிந்தனையும் இன்றி மூடநம்பிக்கை மிக்கவர்களாய் இருப்பது குறித்து அவர்கள் மீது வெறுப்புற்றிருந்த தந்தை பெரியார் அவர்களாலேயே போற்றப்பட்டவர்; தமிழ்மொழி வளர்ச்சிக்கும் தமிழர்தம் உயர்ச்சிக்கும் தன்னை முழுமையாக உட்படுத்திக் கொண்டவர் இவர்.
இந்தித் திணிப்பு வந்த போதெல்லாம் அதை எதிர்த்துப் போரிடுவதில் முனைப்புக் காட்டியவர். 1938, 1948 ஆண்டுகளில் இந்தித் திணிப்பை எதிர்த்து நடந்த போராட்டங்களில் பங்கு கொண்டதோடு, இந்தி எதிர்ப்புப் பாடல்களையும் எழுதி எழுச்சியூட்டினார்.
‘தமிழ்நாடு தமிழருக்கே’’ என்று வேட்டி, புடவை கறைகளில் அச்சிடச் செய்து தமிழ்நாடெங்கும் அனுப்பி தமிழ், தமிழர் உணர்வை ஊட்டினார்.
தந்தை பெரியாரின் கடவுள் மறுப்புக் கொள்கையை ஏற்று, மத மறுப்பு, ஜாதி ஒழிப்பு, மூடநம்பிக்கை தகர்ப்பு, இன உணர்வு, தன்மான உணர்வு ஊட்டல் போன்றவற்றை முனைப்போடு செய்தார். 1930ஆம் ஆண்டு ‘ஞானசூரியன்’ இதழ் ஆசிரியரான சிவானந்த சரஸ்வதி என்பவருடன் ‘கடவுள் இல்லை’ என்று நான்கு நாள்கள் சொற்போர் நடத்தி வெற்றி பெற்ற சிறப்புக்குரியவர்.

அரசியலரங்கம், நெருஞ்சிப் பழகம், உலகப் பெரியோன் கென்னடி, திருஞானச் சிலேடை வெண்பா, புலவர் குழந்தை பாடல் ஆகிய செய்யுள் நூல்களையும், ‘திருக்குறள்’ குழந்தையுரை, ‘தொல்காப்பியப் பொருளதிகார உரை’, ‘நீதிக் களஞ்சிய உரை’ ஆகிய உரை நூல்களையும் எழுதியுள்ளார். இலக்கண நூல்களாக ‘யாப்பதிகாரம்’, ‘தொடையதிகாரம்’, ‘நன்னூல்’ ஆகியவையும் உரைநடை நூல்களாக ‘தொல்காப்பியர் காலத் தமிழர்’, ‘திருக்குறளும் பரிமேலழகரும்’ ‘பூவாமுல்லை’, ‘கொங்கு நாடு’, ‘தமிழக வரலாறு’, ‘அருந்தமிழ் விருத்தி’, ‘அருந்தமிழ் அமிழ்து’, ‘தமிழ் வாழ்க’, ‘கொங்கு நாடும் தமிழும்’, ‘சங்கத் தமிழ்ச் செல்வம்’, ‘ஒன்றே குலம்’, ‘அண்ணல் காந்தி’, ‘தமிழ் எழுத்துச் சீர்திருத்தம்’ ‘தீரன் சின்னமலை (நாடகம்)’ போன்றவை இவரது படைப்புகளாகும். இந்நூல்கள் அனைத்தும் நாட்டுடைமை ஆக்கப்பட்டுள்ளன.

இத்தனை நூல்களை இவர் இயற்றியிருந்தாலும், புலவர் குழந்தை என்று சொல்லும்போதே தமிழ் மக்கள் நினைவில் மின்னுவது இவர் படைத்த ‘இராவண காவியம்’ நூலேயாகும்.
1946இல் வெளிவந்த இந்த நூலை அன்றைய காங்கிரஸ் அரசு 1948இல் தடை செய்தது. இத்தடை பற்றி தந்தை பெரியார் கூறும்போது, ‘இராவண காவியம்’ கூடாது என்கிற மத நடுநிலையாளர்கள் முதலில் ‘இராமாயணத்தை’ அல்லவா தடை செய்ய வேண்டும் என்று கூறினார். ஈரோடு மாநாட்டில் இத்தடை நீக்கப்பட வேண்டும் என்று தீர்மானத்தையும் தந்தை பெரியார் நிறைவேற்றினார். ஆனால், 1971இல் கலைஞர் அரசால்தான் இத்தடை நீக்கப்பட்டது.
அவர்தம் இரு மகள்களுக்கும் ‘சமரசம்’, ‘சமத்துவம்’ எனப் பெயர் சூட்டி தன் சமத்துவ வேட்கையை வெளிப்படுத்தினார். தன்மான இயக்கத்தின் தனிப் பெருஞ்சுடரான புலவர் குழந்தை அவர்கள் 22.9.1972இல் மறைந்தாலும் அவர் புகழ் என்றும் நிலைத்து நிற்கும்!



செவ்வாய், 28 மே, 2024

புரட்சியாளர் பகத்சிங்! (கி.பி. 1907-1931)


தியாகம் : புரட்சியாளர் பகத்சிங்! (கி.பி. 1907-1931)

2022 செப்டம்பர் 16 -30 ,

பகத்சிங் என்றால் விடுதலைக்குப் பாடுபட்டவர். தீவிரச் செயல்களில் ஈடுபட்டு, மரண தண்டனை பெற்றவர். இறுதியில் தூக்கில் இடப்பட்டவர் என்ற வகையில், என்ற வரையில்தான் அவரைப் பெரும்பாலோர் எண்ணிக் கொண்டுள்ளனர். ஆனால், அவருடைய வரலாற்றில் அவை ஒரு சில பக்கங்கள். சிறு நிகழ்வுகள். உண்மையில் அவரின் சிந்தனைகளும், செயல் திட்டங்களும், வழிகாட்டல்களும், ஆதிக்க வர்க்கத்திற் கெதிரான அவருடைய போர்முறைகளும் இந்திய வரலாற்றில் எவரும் செய்யாதவை; வேறுபட்டவை; சரியானவை.
அவர் பிரிட்டிஷ் ஏகாதிபத்தியத்திற்கு எதிராக மட்டும் போராடவில்லை, மனித-நேயமற்ற முதலாளிகளுக்கு எதிராகத்தான் முக்கியமாகப் போரிட்டார். “ஈவு இரக்கமற்ற இந்தச் சுரண்டல், முதலாளிகளால், இந்திய அரசு எந்திரத்தால் நடத்தப்பட்டாலும் எங்கள் போராட்டம் தொடரும்…’’ என்று அவர் கூறி வந்தது அவருடைய இலக்கு என்ன என்பதைக் காட்டியது. இந்திய விடுதலைக்குப் பிறகும் அவரது போராட்டம் முதலாளித்துவச் சுரண்டலுக்கு எதிராகத் தொடரும் என்று அவர் அறிவுறுத்தியிருப்பது இதை உறுதி செய்கிறது.

“கம்யூனிசத்தின் தந்தை எனப்படும் கார்ல்-மார்க்ஸ் உண்மையில் கம்யூனிசக் கொள்கைகளை உருவாக்கவில்லை என்றுகூட நான் சொல்வேன். அய்ரோப்பாவில் ஏற்பட்ட தொழிற்புரட்சியே இம்மாதிரியான பலரை உருவாக்கியது. அவர்-களுள் ஒருவராக மார்க்ஸ் இருந்தார். ஆனால், அவரது காலத்தின் சக்கரத்தை ஒரு குறிப்பிட்ட வழியில் முடுக்கிவிடுவதற்கு அவரும் ஒரு கருவியாக இருந்தார்…’’ என்று சொல்லக்கூடிய தெளிவும், துணிவும் 23 வயது இளைஞருக்கு இருந்தது என்றால், அவர் எப்படிப்பட்ட சிந்தனையாளராக, அறிவுநுட்பம் உடையவராக, உலக வரலாற்றைக் கூர்ந்து ஆய்ந்தவராக இருக்க முடியும் என்பதை எடைபோட முடியும்.

1931ஆம் ஆண்டு பிப்ரவரியில், சிறையிலிருந்து அவர் இளம் அரசியல் தொண்டர்களுக்கு எழுதியது, அவர் ஒரு முதிர்ந்த கம்யூனிஸ்ட் என்பதைக் காட்டியது. இந்திய கம்யூனிஸ்ட்டுகளில் முதன்மையானவரான, சிவவர்மா, “எங்கள் அனைவரிலும் பகத்சிங்கே மார்க்ஸியத்தை மிகச் சரியாக – விரைவாக உள்வாங்கியவர்’’ என்று ஒப்புக் கொண்டு பாராட்டினார். இந்தியாவில் ஓர் உண்மையான கம்யூனிஸ்ட் கட்சியைக் கட்டியமைக்க முயன்றவர். காரணம், அப்போதிருந்த அரசியல் கட்சிகளில், எதுவும் அவருடைய நோக்கத்தை முழுமையாக நிறைவு செய்யவில்லை.

1931இல் ‘கனவுலகம்’ என்னும் கவிதை நூலுக்கு அவர் எழுதிய விமர்சனக் கட்டுரையில், “என்னுடைய அனைத்து முயற்சிகளுக்குப் பின்னருங்கூட, நாம் எதற்காகப் போராடிக் கொண்டிருக்கிறோம் என்பது பற்றிய தெளிவான கொள்கைகளை உடைய எந்தவொரு புரட்சிகரக் கட்சியையும் என்னால் தேடிக் கண்டுபிடிக்க முடியவில்லை’’ என்றார்.
இந்திய கம்யூனிஸ்ட் கட்சியின் தலைவர்கள் பலருடன் அவருக்கு நேரடித் தொடர்பு இருந்தது. ஆங்கிலேயர்களின் அடக்குமுறை ஆட்சியில், இந்திய கம்யூனிஸ்ட் கட்சி இரகசியமாகச் செயல்பட்டது போலவே, பகத்சிங்கின் புரட்சிகர இயக்கமும் தலைமறைவாகச் செயல்பட்டது. தலைமறைவு இயக்கங்களைச் சேர்ந்த தலைவர்கள் ஒருவருக்கொருவர் தொடர்பு வைத்திருந்தனர்.

அமெரிக்கா உள்ளிட்ட ஏகாதிபத்திய நாடுகள், இந்திய நாட்டு மக்களைச் சுரண்டாமல் தடுக்க வேண்டும் என்றால், அவர்களைச் சுரண்ட அனுமதிக்கும் இந்திய முதலாளி வர்க்கத்தை எதிர்த்துப் போராட வேண்டும். அவர்களே இந்திய மக்களின் பிரதான எதிரிகள். அந்த முதலாளிகளுக்கு எதிரான வர்க்கப் போராட்டத்தைத் தட்டியெழுப்புவதே, பகத்சிங்கின் நோக்கம். இன்றுள்ள இளைஞர்கள் அப்பணியைச் செய்வதே பகத்சிங்கிற்குச் செய்யும் உண்மையான வீரவணக்கமாகும். மற்றபடி அவர் படத்திற்கு மாலையிடுவதும், மரியாதை செலுத்துவதும், புகழ்ந்து பேசுவதும் செய்வதால் எந்தப் பயனும் ஏற்படாது.
பகத்சிங்கின் இந்த மறுபக்கத்தை மக்களுக்குக் காட்ட பலரும் தவறியுள்ளனர். எனவே, பகத்சிங்கின் உண்மையான இலக்கு, சிந்தனை அவரது போராட்ட முறை, அவரது பல்துறை, மற்றும் பல பிரச்சினைகள் சார்ந்த வழிகாட்டுதல்கள் என்ன என்பதனை ஒவ்வொரு இந்தியனும், ஏன் ஒவ்வொரு மனிதநேயப் புரட்சியாளனும் தெரிந்து கொள்ள வேண்டியது கட்டாயமாகும். 

சுயமரியாதைச் சுடரொளி: புலவர் குழந்தை


சுயமரியாதைச் சுடரொளி: புலவர் குழந்தை

ஆரியர் செருக்கறுத்து திராவிடர் தலைநிமிர தன்மான இயக்கம் கண்ட தந்தை பெரியாரின் போர்ப்படை தளபதிகளாய் மிளிர்ந்த தமிழ்ப் புலவர்கள் பலர். அவர்-களில் தலையாய இடத்தில் வைத்துப் போற்றப்-பட வேண்டியவர் புலவர் குழந்தை என்று சொன்னால் அது மிகையாகாது. புலவர் குழந்தை அவர்கள் பன்முகத் திறனாளர். இளமையிலேயே ‘பா’ புனையும் ஆற்றலுடையோராய்த் திகழ்ந்தார்.
1.7.1906ஆம் ஆண்டு முத்துசாமி _ சின்னம்மையாருக்கு ஒரே மகனாகப் பிறந்த இவர், தாமே முயன்று படித்து 1934ஆம் ஆண்டு புலவராகத் தேறினார். 39 ஆண்டுகள் மாணவச் செல்வங்களிடை அறிவொளி பரப்பும் ஆசிரியப் பணியாற்றினார்.

தமிழ்ப் புலவர்கள் பலரும் தன்மான உணர்ச்சியும், பகுத்தறிவுச் சிந்தனையும் இன்றி மூடநம்பிக்கை மிக்கவர்களாய் இருப்பது குறித்து அவர்கள் மீது வெறுப்புற்றிருந்த தந்தை பெரியார் அவர்களாலேயே போற்றப்பட்டவர்; தமிழ்மொழி வளர்ச்சிக்கும் தமிழர்தம் உயர்ச்சிக்கும் தன்னை முழுமையாக உட்படுத்திக் கொண்டவர் இவர்.
இந்தித் திணிப்பு வந்த போதெல்லாம் அதை எதிர்த்துப் போரிடுவதில் முனைப்புக் காட்டியவர். 1938, 1948 ஆண்டுகளில் இந்தித் திணிப்பை எதிர்த்து நடந்த போராட்டங்களில் பங்கு கொண்டதோடு, இந்தி எதிர்ப்புப் பாடல்களையும் எழுதி எழுச்சியூட்டினார்.
‘தமிழ்நாடு தமிழருக்கே’’ என்று வேட்டி, புடவை கறைகளில் அச்சிடச் செய்து தமிழ்நாடெங்கும் அனுப்பி தமிழ், தமிழர் உணர்வை ஊட்டினார்.
தந்தை பெரியாரின் கடவுள் மறுப்புக் கொள்கையை ஏற்று, மத மறுப்பு, ஜாதி ஒழிப்பு, மூடநம்பிக்கை தகர்ப்பு, இன உணர்வு, தன்மான உணர்வு ஊட்டல் போன்றவற்றை முனைப்போடு செய்தார். 1930ஆம் ஆண்டு ‘ஞானசூரியன்’ இதழ் ஆசிரியரான சிவானந்த சரஸ்வதி என்பவருடன் ‘கடவுள் இல்லை’ என்று நான்கு நாள்கள் சொற்போர் நடத்தி வெற்றி பெற்ற சிறப்புக்குரியவர்.

அரசியலரங்கம், நெருஞ்சிப் பழகம், உலகப் பெரியோன் கென்னடி, திருஞானச் சிலேடை வெண்பா, புலவர் குழந்தை பாடல் ஆகிய செய்யுள் நூல்களையும், ‘திருக்குறள்’ குழந்தையுரை, ‘தொல்காப்பியப் பொருளதிகார உரை’, ‘நீதிக் களஞ்சிய உரை’ ஆகிய உரை நூல்களையும் எழுதியுள்ளார். இலக்கண நூல்களாக ‘யாப்பதிகாரம்’, ‘தொடையதிகாரம்’, ‘நன்னூல்’ ஆகியவையும் உரைநடை நூல்களாக ‘தொல்காப்பியர் காலத் தமிழர்’, ‘திருக்குறளும் பரிமேலழகரும்’ ‘பூவாமுல்லை’, ‘கொங்கு நாடு’, ‘தமிழக வரலாறு’, ‘அருந்தமிழ் விருத்தி’, ‘அருந்தமிழ் அமிழ்து’, ‘தமிழ் வாழ்க’, ‘கொங்கு நாடும் தமிழும்’, ‘சங்கத் தமிழ்ச் செல்வம்’, ‘ஒன்றே குலம்’, ‘அண்ணல் காந்தி’, ‘தமிழ் எழுத்துச் சீர்திருத்தம்’ ‘தீரன் சின்னமலை (நாடகம்)’ போன்றவை இவரது படைப்புகளாகும். இந்நூல்கள் அனைத்தும் நாட்டுடைமை ஆக்கப்பட்டுள்ளன.

இத்தனை நூல்களை இவர் இயற்றியிருந்தாலும், புலவர் குழந்தை என்று சொல்லும்போதே தமிழ் மக்கள் நினைவில் மின்னுவது இவர் படைத்த ‘இராவண காவியம்’ நூலேயாகும்.
1946இல் வெளிவந்த இந்த நூலை அன்றைய காங்கிரஸ் அரசு 1948இல் தடை செய்தது. இத்தடை பற்றி தந்தை பெரியார் கூறும்போது, ‘இராவண காவியம்’ கூடாது என்கிற மத நடுநிலையாளர்கள் முதலில் ‘இராமாயணத்தை’ அல்லவா தடை செய்ய வேண்டும் என்று கூறினார். ஈரோடு மாநாட்டில் இத்தடை நீக்கப்பட வேண்டும் என்று தீர்மானத்தையும் தந்தை பெரியார் நிறைவேற்றினார். ஆனால், 1971இல் கலைஞர் அரசால்தான் இத்தடை நீக்கப்பட்டது.
அவர்தம் இரு மகள்களுக்கும் ‘சமரசம்’, ‘சமத்துவம்’ எனப் பெயர் சூட்டி தன் சமத்துவ வேட்கையை வெளிப்படுத்தினார். தன்மான இயக்கத்தின் தனிப் பெருஞ்சுடரான புலவர் குழந்தை அவர்கள் 22.9.1972இல் மறைந்தாலும் அவர் புகழ் என்றும் நிலைத்து நிற்கும்!

சுயமரியாதைச் சுடரொளி: இராமச்சந்திரனார்


சுயமரியாதைச் சுடரொளி: இராமச்சந்திரனார்

2022 செப்டம்பர் 16 -30 
உண்மை இதழ்

பிறப்பு: 16.9.1884 மறைவு: 26.2.1933
சிவகங்கைச் சீமையிலே வசதி வாய்ப்புமிக்க குடும்பத்திலே பிறந்தவர் இராமச்சந்திர சேர்வை. அந்தக் காலகட்டத்திலேயே பி.ஏ, பி.எல். படித்தவர் என்றால், அதன் சிறப்பைப்பற்றி எடுத்துரைக்கத் தேவையில்லை.
சுயமரியாதை இயக்கத்தில் தந்தை பெரியார் அவர்களின் அணுக்கத் தொண்டராகப் பணியாற்றியவர். 1929-இல் செங்கற்பட்டில் நடைபெற்ற முதல் சுயமரியாதை மாகாண மாநாட்டில் தன் பெயருக்குப் பின்னால் ஒட்டிக் கொண்டிருந்த ‘சேர்வை’ என்ற ஜாதி வாலை ஒட்ட நறுக்கி வீதியிலே வீசி எறிந்த செம்மல் அவர்! சுயமரியாதை மாநாடுகளில் எல்லாம் பங்கு கொண்டவர்; பல மாநாடுகளுக்குத் தலைமை வகித்தவரும்கூட! நெல்லையில் சுயமரியாதை மாநாடு (21.7.1929); அம்மாநாட்டின் தலைவர் இவர்தான்.
தாழ்த்தப்பட்ட மக்களுக்காகத் துப்பாக்கி வரை ஏந்திய ஏந்தலிவர். தாலுகா போர்டு தலைவராகவும் இருந்து அருந்தொண்டாற்றினார்.

நீதிக்கட்சி அமைச்சரவையில் அங்கம் வகிக்குமாறு அன்றைய பிரதம அமைச்சர் முனிசாமி நாயுடு அவர்கள் அழைப்பு விடுத்தபோது, தந்தை பெரியார் அவர்களின் ஆலோசனையை ஏற்று பதவிப் பக்கம் தலை வைத்துப் படுக்காமல் சுயமரியாதைத் தொண்டினை தந்தை பெரியார் பாதையில் தொடர்ந்த தொண்டறத்தின் இலக்கணம் இவர்.
தென் மாநிலச் சீமையிலே கொடிகட்டிப் பறந்த இந்தப் பெருமகனாரைக் காங்கிரசின் பக்கம் ஈர்க்கத் திட்டமிட்டனர். மதுரை வைத்திய-நாதய்யர்தான் அந்தத் தூண்டிலைப் போட்டவர். அந்தச் சிவகங்கைச் சிங்கம் என்ன சொன்னது தெரியுமா? மனிதருள் ஏற்ற தாழ்வுகளைப் பிரதிபலிக்கும் சின்னமான பூணூலைத் தாங்கள் அகற்றினால் நாங்கள் காங்கிரசில் சேருகிறோம் என்று பொறி பறக்கப் பதிலடி கொடுத்தார்.

இந்தத் தன்மான இயக்கத் தளபதி 49 வயதிலேயே பிப்ரவரி 26இல் (1933) மரணத்தைத் தழுவினார் என்பது அதிர்ச்சிக்குரியதாகும். அவர் மறைவு குறித்து தந்தை பெரியார் கூறிய ஒன்றே அந்தப் பெருமகனாரின் பெருமைக்குரிய சாசனமாகும்.
“தோழர் இராமச்சந்திரனைப் போன்ற உறுதியான உள்ளமும், எதற்கும் துணிந்த தீரமும், மனதில் உள்ளதை எவ்வித தாட்சண்யத்திற்கும் பின்வாங்காமல் வெளியிடும் துணிவும் சாதாரணமாக வெகு மக்களிடம் காண்பது மிகமிக அரிதேயாகும்’’ என்றாரே அய்யா!
எத்தகைய சீலர் அவர்! இவருடைய அருமை மகள்தான் நம்மோடு வாழ்ந்து மறைந்த சுயமரியாதை மூதாட்டி சிவகங்கை ராமஇலக்குமி அம்மாள் ஆவார்கள். இவரின் பிரகடனப்படுத்தப்பட்ட பொன்மொழி என்ன தெரியுமா? இந்தக் கையால் எந்த ஒரு பார்ப்பனருக்காவது உத்தியோகம் கொடுக்கமாட்டேன் என்பதுதான்! .

மேயர் ந.சிவராஜ்


மேயர் ந.சிவராஜ்

2022 செப்டம்பர் 16 -30 
உண்மை இதழ்

பட்டியலின மக்களின் மிகப் பிற்படுத்தப்பட்ட மக்களை உயர்விப்பதில் நாட்டம் கொண்டு அதற்காகவே பணியாற்றிய தலைவர்களில் குறிப்பிடத்தக்கவர் ந.சிவராஜ் அவர்கள்.
சென்னை உயர்நீதிமன்றத்தில் வழக்குரைஞராகப் பணியாற்றினார். 1925இல் சென்னை சட்டக் கல்லூரியில் விரிவுரையாளராகப் பணியில் சேர்ந்து பின்பு பேராசிரியராகப் பதவி உயர்வு பெற்றார்.
1918ஆம் ஆண்டு ஜூலைத் திங்கள் 10ஆம் நாள் சுயமரியாதை இயக்க வீராங்கனையான மீனாம்பாள் அவர்களைத் திருமணம் செய்து-கொண்டார். தந்தை பெரியார் முன்னின்று நடத்திய முதலாம் மீனாம்பாள் அவர்கள் இந்தி எதிர்ப்புப் போராட்டத்தின்போது பெண்களைத் திரட்டி தீவிரமாகப் போராடியவர்.
சிவராஜ் நீதிக்கட்சியின் தொடக்க காலம் முதலே அக்கட்சியின் ஆதரவாளர் ஆவார். பல சுயமரியாதை இயக்க மாநாடுகளிலும் நீதிக்கட்சி மாநாடுகளிலும் பங்கு கொண்டு உரையாற்றியுள்ளார்.

அம்பேத்கரும் இரட்டைமலை சீனுவாசனும் இலண்டன் வட்டமேசை மாநாட்டில் கலந்து-கொண்டு பட்டியல் பிரிவு மக்களின் உரிமைகளுக்குக் குரல் கொடுத்துப் போராடியபோது அவர்களுக்கு ஆதரவான நிலைப்பாடெடுத்து சென்னை மாகாணத்தில் செயல்பட்டார்.
1937இல் சட்டக்கல்லூரிப் பேராசிரியர் பதவியை விட்டுவிலகி முழு நேர அரசியல்வாதியாகச் செயல்பட்டார். 1942இல் அனைத்திந்திய பட்டியல் வகுப்பினர் கூட்டமைப்பை அம்பேத்கர் உருவாக்கியபோது சிவராஜை அதன் அகில இந்தியத் தலைவராக நியமித்தார். அதன் மூலம் அகில இந்தியாவுக்கும் அறிமுகமான ஒரு பட்டியல் இன மக்களின் உரிமைப் போராளியாக உருவெடுத்தார். அம்பேத்கருடன் நெருக்கமாகி சமூகப் பணி-களில் தன்னை முழுமையாக ஈடுபடுத்திக் கொண்டார். அம்பேத்கர் மறைவுக்கு முன் செப்டம்பர் 26ஆம் நாள் 1956இல் இந்தியக் குடியரசுக் கட்சி உருவாக்கப்பட்டபோது அதன் அகில இந்தியத் தலைவராகத் தேர்ந்தெடுக்கப்பட்டு பட்டியலின மக்களின் உரிமைக்கான போராட்டத்தின் தலைமகனாக அறியப்பட்டார்.

ஆதிதிராவிட மாணவர்களைச் சேர்த்துக் கொள்வதில்லை என்ற சென்னை பச்சையப்பன் கல்லூரி மரபினை மாற்ற அக்கல்லூரி அறக்கட்டளையின் மீது வழக்குத் தொடுத்து வெற்றி பெற்றார். நீதிக்கட்சியும் சுயமரியாதை இயக்கமும் தொடர்ந்து போராடி வந்த நிலையில் 1928ஆம் ஆண்டு முதல் அக்கல்லூரியில் ஆதிதிராவிட மாணவர் சேர்க்கைக்கு இவ்வழக்கு வாய்ப்பாக இருந்தது.
தென்னார்க்காடு மாவட்டம் வெள்ளையன்-குப்பம் படையாச்சிகள் குற்றப் பரம்பரைப் பட்டியலில் சேர்க்கப்பட்டிருந்ததை நீக்க வேண்டும் என்று 7.8.1935 அன்று ஒத்திவைப்புத் தீர்மானம் கொண்டு வந்து உரையாற்றினார்.

இவர் 1926 முதல் 1936 முடிய இருந்த நீதிக்கட்சியின் ஆட்சிக்காலத்தில் சட்ட மேலவை உறுப்பினராகப் பணியாற்றியுள்ளார்.
20.11.1945 அன்று சென்னை மாநகர மேயராக ஒருமனதாகத் தேர்ந்தெடுக்கப்பட்டுப் பணியாற்றியுள்ளார்.
1957 தேர்தலில் இந்தியக் குடியரசுக் கட்சியின் சார்பில் தி.மு.க. கூட்டணியில் திருப்பெரும்புதூர் தொகுதியிலிருந்து போட்டியிட்டு நாடாளுமன்ற உறுப்பினராகத் தேர்ந்தெடுக்கப்பட்டார்.
பல்வேறு கோரிக்கைகளை முன்வைத்து நாடாளுமன்றத்தின் முன் ஆர்ப்பாட்டம் செய்வதற்காக செப்டம்பர் 1964இல் தில்லி சென்றார். தில்லியில் இருந்தபோதே அதே செப்டம்பர் 29ஆம் நாள் அதிகாலை 5:30 மணிக்கு மாரடைப்பு காரணமாக உயிரிழந்தார்.

இந்தியா ஆரிய பூமியா? -எதிர்வினை (107)


எத்தர்களை முறியடிக்கும் எதிர்வினை (107)

செப்டம்பர் 1-15-2022 உண்மை இதழ்

இந்தியா ஆரிய பூமியா?
நேயன்

ஆரியப் பார்ப்பனர்களின் மோசடிகளுக்கும், திரிபுகளுக்கும், பித்தலாட்டங்களுக்கும், கற்பனை வரலாறுகளுக்கும் அவ்வப்போது முட்டுக் கொடுத்து, அவை உண்மையானவை, சரியானவை என்பதுபோலக் காட்டுவதற்கு, காலந்தோறும் ஆரிய இனத்தின் அறிவு ஜீவிகள் எனப்படுவோர் முயற்சிப்பதை வழக்கமாகக் கொண்டுள்ளனர். அவர்களின் போலித்-தனத்தையும், பொய்யுரைகளையும் அவ்வப்-போது முறியடித்து, மூக்குடைத்தாலும், அவர்கள் தங்களின் மோசடி முயற்சிகளை மட்டும் கைவிடுவதே இல்லை. அப்படிப்பட்ட மோசடிப் பிரச்சாரத்திற்கு இக்காலத்தில், முனைந்து நிற்பவர்தான் இந்த அரவிந்தன் நீலகண்டன் என்பவர். இவர், 2014 காலகட்டத்தில், அம்பேத்கரும் பெரியாரும் கருத்தால் எதிர்நிலையில் நின்றவர்கள். அவர்கள் இருவரும் ஒருவரோடு ஒருவர் முரண்பட்டவர்கள் என்று எழுதியிருந்தார். அதற்கு நாம் முறையான, சரியான மறுப்பைக் கூறி அம்பேத்கரும் பெரியாரும் ஒரு நாணயத்தின் இரு பக்கங்கள் போன்றவர்கள். முதன்மை நோக்கங்களில், கருத்துகளில் ஒத்துப்போகக் கூடியவர்கள் என்பதை உறுதி செய்தோம்.
அதே அரவிந்தன் நீலகண்டன் அதே காலகட்டத்தில், “ஆழி பெரிது’ என்று ஒரு நூலையும் எழுதி வெளியிட்டுள்ளனர். “இது ஒரு ஹிந்துத்துவ என்சைக்ளோபீடியா’’ என்று அதற்கு அறிமுகமும் அட்டையிலேயே செய்துள்ளார்.

அந்த நூலில் 52 தலைப்புகளில் அவரது பித்தலாட்ட, திரிபு வேலைகளையெல்லாம் செய்துள்ளார். அதில் நாம் ஆய்வுக்கு எடுத்துக் கொள்ள வேண்டிய சில தலைப்புகளை ஒவ்வொன்றாகப் பார்ப்போம். முதலில் ஆரிய பூமி என்னும் தலைப்பை ஆய்வோம். இந்தத் தலைப்பிலே, எடுத்த எடுப்பிலே ஒரு மாபெரும் பொய்யைச் சொல்கிறார்.
“சுவாமி விவேகாநந்தரும், பாபாசாஹிப் அம்பேத்கரும் மட்டுமல்ல; வேதங்களை ஆழ்ந்து படித்த தமிழ்க்கவி சுப்பிரமணிய பாரதியும், ஆரியப் படையெடுப்பு வாதத்தைத் தெளிவாக மறுத்தார். இத்தனைக்கும், பாரதி தமது பாடல்களில் பல இடங்களில் ‘ஆரிய’ எனும் பதத்தினைப் பயன்படுத்தியுள்ளார். தாம் எழுதிய ‘வந்தே மாதரம்’ பாடலில் ‘ஆரிய பூமி’ என்றே பாரதத்தைப் புகழ்கிறார். தமிழ்மொழியை உருவாக்கிய அகத்திய மாமுனியை ‘ஆரியன்’ எனக் குறிப்பிடுகிறார். குரு கோவிந்தசிம்மன் ஆற்றிய வீர உரையைக் கவிதையாக்கித் தந்த பாரதி, அப்பாடலில் பாரத சமுதாயம் முழுமையும் “ஆரிய ஜாதி’’ எனக் குறிப்பிடுகிறார்.

மகாகவியின் பார்வையில் “ஆரிய’’ என்னும் பதத்துக்குப் பொருள் என்ன? இதோ அவரது வார்த்தைகளிலேயே அதைக் காணலாம்.
“நமது வேதம், நமது சாஸ்திரம், நமது ஜனக்கட்டு, நமது பாஷைகள், நமது கவிதை, நமது சிற்பம், நமது சங்கீதம், நமது நாட்டியம், நமது தொழில்முறைகள், நமது கோபுரங்கள், நமது மண்டபங்கள், நமது குடிசைகள் _இவைஅனைத்துக்கும் பொதுப்பெயர் ஆரிய சம்பத்து. காளிதாசன் செய்த சாகுந்தல நாடகம், ஹிந்தி பாஷையிலே துளசிதாசர் செய்திருக்கும் ராமாயணம், கம்ப ராமாயணம், சிலப்பதிகாரம், திருக்குறள், ஆண்டாள் திருமொழி _ இவையனைத்துக்கும் பொதுப் பெயராவது ஆரிய சம்பத்து. தஞ்சாவூர்க் கோயில், திருமலை நாயக்கர் மஹால், தியாகையர் கீர்த்தனங்கள், எல்லோராவில் உள்ள குகைக்கோயில், ஆக்ராவில் உள்ள ராஜ் மஹல், சரப சாஸ்திரியின் புல்லாங்குழல் _ இவை-யனைத்துக்கும் பொதுப்பெயர் ஆரிய சம்பத்து. எனவே, ஆரிய சம்பத்தாவது ஹிந்துஸ்-தானத்தின் நாகரிகம்.’ (பாரதியார், ‘புனர்ஜென்மம்_1’; கட்டுரைகள்_தத்துவம்)
ஒரு விதத்தில், பாரதி ‘ஆரிய’ எனும் வேத வார்த்தையைத் தீர்மானமாக மீண்டும் மீண்டும் பயன்படுத்தியதை, காலனியவாதிகள் அப்பெயருக்கு அளித்த இனவாதப் பொருளுக்கு எதிரான ஓர் எதிர்வினையாகவே நாம் காண வேண்டும்.

பாரதியும், அம்பேத்கரும், விவேகாநந்தரும் எதிர்த்த இந்த இனவாதக் கோட்பாடு, வேதத்தின் மீது சுமத்தப்பட்டு, நம் குழந்தைகள் மீது திணிக்கப்படுவதன் காரணம் என்ன? அய்ரோப்பிய மனம் ஆராய்ச்சிக்கு உள்நோக்கங்-கள் இருக்க முடியாது என நாம் நினைக்கிறோம்.
முதலில் ஓர் ஆய்வாளனின் அறிவு நாணயம் என்பது, அவர் கூறுகின்ற கருத்துகளுக்கு ஆதாரங்களைக் காட்ட வேண்டும். விவேகாநந்தர் கூறியவை என்ன? அதற்கு என்ன ஆதாரம்? அம்பேத்கர் கூறியது என்ன? அதற்கு என்ன ஆதாரம்? என்பவற்றை தவறாது குறிப்பிட வேண்டும் என்பதுதான். ஆனால், எந்த ஆதாரமும் இன்றி ஒரு கருத்தை இவர் நிலைநாட்ட விரும்புகிறார். இதுதான் ஹைடெக் மோசடி.
ஆரியர்கள் வந்தேறிகளா? இல்லையா? என்பதை வரலாற்று ஆய்வாளர்கள் உறுதி செய்ய வேண்டும். விவேகாநந்தரும், பாரதியும் வரலாற்று ஆய்வாளர்கள் அல்லர். எனவே, அவர்களின் கருத்துகளை இதற்கு ஆதாரமாகக் காட்ட முற்படுவது மோசடியானது. அம்பேத்கர் வரலாற்று ஆய்வாளர். அவர் கருத்தை இவர் எடுத்துக்காட்டவில்லை.
இந்தியா முழுமைக்கும் வாழ்ந்த தொன்மைக் குடிகள் நாகர்கள் (தமிழர்கள்) என்று அம்பேத்கர் தமது ஆய்வுகளின் மூலம் உறுதி செய்துள்ளார்.
அம்பேத்கரின், இனம் சார்ந்த ஆய்வும் முழுமையான, சரியான, ஏற்றுக்கொள்ளத்தக்க ஆய்வு என்று கொள்ள இயலாது. காரணம் அவர் ஆய்வு செய்த காலத்தில் இனம் சார்ந்த முழுமையான ஆய்வுகள் நடைபெற்று முடியவில்லை.

அம்பேத்கர் ஆய்வு மேற்கொண்ட காலத்திற்குப் பின் தொல்பொருள், அகழ் ஆய்வுகள் நிறைய நடந்துள்ளன. ஞிழிகி சோதனைகளும் அண்மையில் நடந்துள்ளன. இவையெல்லாம் இந்தியாவின் தொல்குடி மக்கள் தமிழர்கள் என்பதை அய்யத்திற்கு இடமின்றி உறுதி செய்கின்றன.
மறுபுறம் இந்த ஆய்வுகள் அனைத்தும் ஆரியர்கள் வந்தேறிகள் என்பதையும் உறுதி செய்கின்றன.
ஆப்கானிஸ்தான், பாகிஸ்தான், இந்தியா, இலங்கை உள்பட எல்லா இடங்களிலும் நடத்தப்பட்ட அகழ் ஆய்வுகள், தொல்பொருள் ஆய்வுகள் எல்லாம் இந்தப் பகுதிகளில் வாழ்ந்த தொன்மைக்குடி தமிழ்மக்களே என்கின்றன.

‘பரதேசி’ என்ற வார்த்தையே ஆரியர் அயல்நாட்டார் என்பதை உறுதி செய்கின்றது. இந்தியாவிற்குள் பிழைப்பதற்காக வந்த ஆரியர்கள், தொடக்க காலத்தில் தமிழர்களிடம் பிச்சையெடுத்தே வாழ்ந்தனர். அவ்வாறு அவர்கள் பிச்சை கேட்டபோது, தமிழ் மக்கள் அவர்களைப் பார்த்து, “நீங்கள் யார்?’’ என்று கேட்டபோது, ‘பரதேசி’ என்று பதில் சொன்னார்கள். பரதேசம் என்றால் அயல்நாடு; பரதேசி என்றால் அயல்நாட்டான் என்று பொருள்.
அன்று ஆரியர்களைக் குறித்த “பரதேசி’’ என்ற சொல். நாளடைவில் பிச்சைக்காரர்-களைக் குறிப்பதாய் மாறிவிட்டது. தொடக்கத்தில் வாயில் காக்கும் பணிக்கு ‘கூர்க்கர்’ இனத்தைச் சேர்ந்தவர்கள் பணியமர்த்தப்பட்டனர். காலப்போக்கில் ‘கூர்க்கர்’ என்னும் சொல், வாயில் காக்கின்றவர்-களைக் குறிப்பதாய் மாறியது போலவே, பார்ப்பனர்களைக் குறித்த பரதேசி எனும் சொல், பிற்காலத்தில் பிச்சைக்காரர்களைக் குறிப்பதாய் மாறியது. ஆக, ‘பரதேசி’ என்னும் சொல்லே பார்ப்பனர் அயல்நாட்டிலிருந்து வந்தவர்கள் என்பதை உறுதி செய்கின்றது.
‘ஆர்ய சம்பத்’ பற்றி பாரதி கூறிய பைத்தியக்கார உளறல்களை, இந்த அரவிந்தன் நீலகண்டன் எடுத்துக்காட்டுவதன் மூலம் இவரும் ஒரு பைத்தியம் என்பது உறுதியாகிறது.
ஆரியர்கள் அயல்நாட்டிலிருந்து வந்தவர்கள். அவர்கள் இந்தியாவில் வாழ்ந்த பூர்வீகக் குடிகளான தமிழர்களிடம் பகைமை கொண்டு, தமிழர்களுக்கு எதிராய், தமிழர்கள் தோற்க வேண்டும், அழிய வேண்டும் என்று பிரார்த்தனை செய்தவையே வேதங்கள்.
இந்த வேதங்கள் கூறப்படுவதற்கு முன்னமே சிறந்த மொழி வளமும், இலக்கிய வளமும் பெற்று விளங்கியவர்கள் தமிழர்கள். அப்படி தமிழர்களின் ஈடு இணையற்ற திருக்குறள் ஆரிய சம்பத்தாம்! இஸ்லாமியரால் கட்டப்பட்ட தாஜ்மகால் ஆரிய சம்பத்தாம்! இராஜராஜன் கட்டிய தஞ்சை பெரியகோயில் ஆரிய சம்பத்தாம்! ஆண்டாள் திருமொழியும் ஆரிய சம்பத்தாம்! தமிழர்கள் உருவாக்கிய கலை, கட்டுமானம், சிற்பம் எல்லாம் ஆரிய சம்பத்தாம்! இதைவிட பைத்தியக்கார உளறல் உலகில் வேறு இருக்க முடியுமா? இந்த உளறலைத் தன் வாதத்திற்கு ஆதாரமாகக் காட்டும் அரவிந்தன் நீலகண்டன் ஆய்வும் எப்படிப்பட்ட பிதற்றல் என்பதைப் புரிந்துகொள்ளுங்கள்.
(தொடரும்…)

பாரதியாரும் பார்ப்பனர்களும்என்ற தலைப்பில் குடிஅரசில் தோழர் அ.பொன்னம்பலம் அவர்கள் எழுதியவை. (எதிர்வினை)- (106)


எத்தர்களை முறியடிக்கும் எதிர்வினை (106)


பாரதியாரும் பார்ப்பனர்களும்
என்ற தலைப்பில் குடிஅரசில் தோழர் அ.பொன்னம்பலம் அவர்கள் எழுதியவை.
நேயன்

‘பாரதியார் தினக் கொண்டாட்டத்தில் கலந்து கொள்ளாதவர்களும் தமிழர்களா? தமிழர்கள் ஏன் பாரதியார் தினக் கொண்டாட்டத்தில் கலந்துகொள்ளவில்லை?’ என்பதாக பாரதியார் தினக் கொண்டாட்டத்-தன்று கனம் மந்திரி டாக்டர் ராஜன் அவர்கள் பேசும்பொழுது கேட்டாராம். காங்கிரஸ் பார்ப்பனக் கும்பல்கள் கொண்டாடும் கொண்டாட்டங்களிலெல்லாம் தமிழர்கள் கலந்துகொள்ள வேண்டுமென்பது கனம் மந்திரியாரின் கபடமற்ற ஆசைபோலும்! காலஞ் சென்ற சுப்பிரமணிய பாரதியார் ஒரு பார்ப்பனர். அவர் உயிரோடிருந்த காலத்தில் அவருக்கு உதவி செய்தவர்கள் மிகச் சிலர். அவர் அடிக்கடி வறுமையால் பீடிக்கப்பட்டு கலக்கமடைந்த காலங்களுண்டு. அடிக்கடி அவருக்கு பணம் உதவும் சில குறிப்பிட்ட நண்பர்களிடமே அவர்உதவி பெற்று குடும்பத்தைக் காப்பாற்றினார். அவருக்கு கஞ்சா, அபின் இல்லாமல் காலம் கடத்துவது பெரிதும் கஷ்டமாகவே இருக்கும்.
கடன்காரர்கட்கு அடிக்கடி தவணை கூறும் சமயங்களில் மட்டும் அவர் நாஸ்திக வெறியடைவ துண்டு. மற்ற சமயங்களில் அவருக்கு மதபக்தி, தேச பக்தி, கடவுள் பக்தி, காளி பக்தி, மாரியம்மன் பக்தி, ஆரியர் மோகம் யாவும் ஒருங்கே ஏற்படும். பாரதியார் மன எழுச்சியுள்ள சமயங்களில் பாடிய பாட்டுகளையெல்லாம் ஒன்றாகத் திரட்டி அவர் காலத்திற்குப் பிறகே பாரதியார் கீதங்கள் என்ற பெயருடன் சில புத்தகங்கள் வெளியிட்டனர். இப்புத்தக விற்பனைகூட அவரது மனைவி செல்லம்மாள் அவர்களின் குடும்ப உதவிக்காக என்று ஆரம்பத்தில் கூறப்பட்டது.

பாரதியார் பாட்டு தமிழில் எளிய நடையோடு கூடியது. அவர் பாட்டில் பல உயர்ந்த கருத்துகளுமிருக்கின்றன என்றாலும் ஆரியர்கள் (பார்ப்பனர்கள்) மேன்மையைப் பற்றியும் புராண இதிகாச தத்துவங்களைப் பற்றியும், கடவுள் மத நம்பிக்கைகளைப் பற்றியும் அதிகம் பாடியுள்ளார். சிற்சில இடங்களில் பார்ப்பனர்களின் நடவடிக்கைகளை நன்றாகக் கண்டித்துமிருக்கிறார். பாரதியார் பார்ப்பனர்களின் நடவடிக்கைகளைக் கண்டித்துப் பாடிய சில பாட்டுகள் இப்பொழுது பாரதியார் கீதங்களிலிருந்து மறைந்து வருகின்றன. இதற்கு பார்ப்பனர்களும் பாரதி பிரசுராலயத்தார்களும் பாரதியார் கீதச் சுருக்கத்தில் அப்பாட்டுகள் இல்லாமலிருக்கலாம் என்று சமாதானம் கூறக்கூடும்.
பாரதியார் கீதங்கள் ஒரு மாதிரி கதம்பமாகயிருக்கிறது. பாரதியார் கீதத்தை எல்லாப் பார்ப்பனரும் தங்கள் வீட்டில் வைத்து பூஜிக்கத் தகுந்தது என்று கருதுவதற்கு உண்மையாகவே அதில் பொருளிருக்கின்றது.

பாரதியார் பாடல்கள் தமிழ் இலக்கிய இலக்கணத்தோடு பாடப்பட்டவையல்ல. பாரதியாருக்கிருந்த படிப்புத் திறமையில் அவர் சமூகத்தின்மீதும் இந்து மதம், கடவுள், புராணம், தேசம் இவை மீதும் கொண்ட அளவற்ற அன்பாலும், பக்தியாலும், வறுமையால் பாதிக்கப்பட்டபொழுதும், கஞ்சா, அபின் போதை உணர்ச்சியாலும் மனோ எழுச்சி பெற்றபொழுதும் வீரப் பாடல்களும் காதல் பாடல்களும் காளி பாடல்களும், முத்துமாரி பாடல்களும் அல்லா மீது பாடல்களும் வேள்விப் பாடல்களும் தாய் வணக்கப் பாடல்களும் கொடி வணக்கப் பாடல்களும் எல்லாப் பாடல்களும் பாடிவிட்டுப் போய்விட்டார். இவரை வரகவி, தேசியகவி, தெய்வீகக் கவி என்றெல்லாம் தென்னாட்டுப் பார்ப்பனர்கள் புகழ ஆரம்பித்தார்கள்; புகழ்ந்து கொண்டிருக்-கிறார்கள். தமிழ்நாட்டில் தோன்றிய வள்ளுவர், கபிலர், கம்பர், ஒட்டக்கூத்தர், திருமூலர், இளங்கோ, தாயுமானவர், வடலூரார், அருணகிரியார் ஆகியவர்களைப் பற்றியும் அவர்களியற்றிய தமிழ் நூல்களைப் பற்றியும் தென்னாட்டுப் பார்ப்பனர்கட்கு ஒன்றுமே தெரியாது என்று கூறிவிட முடியாது. பாரதியாரைக் காட்டிலும் பல கோடி மடங்கு மதிக்கத் தகுந்த தமிழ்ப் பேரறிஞர்கள் தோன்றி மறைந்த இத்தமிழ் நாட்டில் பாரதியார் தினம் கொண்டாட பார்ப்பனக் கும்பல்கள் முன்வருகிறார்கள்.

வள்ளுவர் தினம், கபிலர் தினம், கம்பர் தினம், அவ்வையார் தினம், திருமூலர் தினம் கொண்டாடுவதற்கு எந்தப் பார்ப்பனர்களாவது முன்வந்தார்களா? இனிமேல்தான் முன்வருவார்களா? இவற்றை நாம் எடுத்துக் கூறினால், தென்னாட்டுப் பார்ப்பனர்களும் காங்கிரஸ் பார்ப்பனர்களும் அவர்கள் கூலிகளும் நம்மை வகுப்புத் துவேஷி என்றும், தேசத் துரோகி என்றும் கூறி, கூச்சல் போட ஆரம்பிக்கிறார்கள்.
காலஞ்சென்ற பாரதியார் அவர்களைப் பற்றி காங்கிரஸ் பார்ப்பனர்கள் செய்த விளம்பரம் சொல்ல முடியாததாகும். பாரதியார் பார்ப்பனராய்ப் பிறவாமல் மட்டும் போயிருந்தால் அவர் எவ்வளவு கீதங்கள் பாடிவிட்டுப் போயிருந்தாலும், தென்னாட்டுப் பார்ப்பனர்கள் அவர் பெயரை உச்சரிக்கக்கூட முன்வர மாட்டார்கள். இது அனுபவ உண்மையாகும். ஏன்? சரித்திர உண்மையாகும். இந்தப் பாரதியார் பாடல்களை சர்க்கார் பொதுப் பள்ளிக் கூடங்களிலும் பொதுச் சட்ட சபையிலும் தேசிய கீதங்கள் என்கிற பெயரால் பாட வேண்டுமென்று தென்னாட்டுக் காங்கிரஸ் பார்ப்பனர்கள் கிளர்ச்சி செய்து வருகிறார்கள்.

அவர்கள் அக்கிளர்ச்சியைத் தொடர்ந்து நடத்துவதற்காகவேதான் பாரதியார் தினம் கொண்டாடுகிறார்கள். பல ஜில்லா போர்டு பள்ளிக்கூடங்களிலும், பாரதியார் கீதத்தைக் கட்டாயப் பாடமாக வைக்க வேண்டுமென்றும் தீர்மானம் செய்யப்படுகிறது. சில இடங்களில் பாரதியார் பள்ளிக் கூடங்களும், பாரதியார் நிலையங்களும் தோற்றுவிக்கப்படுகின்றன. பாரதியார் கீத புத்தகம் விலை ரூபாய் ஒன்று என்றாலும் மூன்று ரூபாய் என்றாலும் (அதிக விலை கொடுத்து மடித்துப்போன கதர்வேஷ்டி-யையும் கதர்வேடத்திற்காக தெரிந்தே வாங்குவதுபோல்) பார்ப்பனரல்லாத தேசபக்தர்கள் பாரதியார் கீதப் புத்தகங்கட்கு கேட்ட ரூபாய் கொடுத்து வாங்குவதற்குத் தயாராயிருக்கிறார்கள்.
இவை யாவும் பார்ப்பனர்களின் கட்டுப்-பாடான விளம்பரங்களினால் நடக்கின்றன. மற்றொரு தேசியக்கவி நாமக்கல் தோழர் ராமலிங்கம் பிள்ளை அவர்களிருக்கிறார். இவரைப் பற்றி காங்கிரஸ் பார்ப்பனர்கட்கு நன்கு தெரியும். பார்ப்பனர்கள் விரும்பினால் இவரைக் கருவேப்பிலை மாதிரி உபயோகப் படுத்திக்கொண்டு வேண்டாத பொழுது வெளியில் ஒதுக்கி விடுவார்கள்.

நாமக்கல் தேசியக் கவியார் தினம் கொண்டாட வேண்டுமென்று நாம் கூற வரவில்லை. அவரும் விரும்பமாட்டார் என்பது நமக்குத் தெரியும். நமது நாட்டுப் பார்ப்பனர்-களின் மன உணர்ச்சியைக் குறிப்பிட்டுக் காட்டுவதற்காகவே உதாரணமாகக் கூறினேன். கிருஷ்ணஜயந்தி, ராமஜயந்தி கொண்டாடு-வதைப் போன்றே இப்பொழுது ஆரியப் பார்ப்பனர்கள் காந்தி ஜயந்தி, திலகர் ஜயந்தி கொண்டாடி வருகிறார்கள். அதைப் பின்பற்றி பாரதியார் தினம் கொண்டாடுகிறார்கள்.
(‘குடிஅரசு’ – 31.10.1937)
ஆக, பெரியார் முதற்கொண்டு பொன்னம்பலனார் வரை, அறிஞர்கள், சிந்தனையாளர்கள், மக்கள் நலனில் அக்கறை கொண்ட தலைவர்கள் பாரதியார் பற்றித் திறனாய்வு செய்து கூறிய கருத்துகள் அனைத்தும், நாம் முன்னமே பாரதி பற்றி எழுதிய முடிவுகளோடு நூறு விழுக்காடு ஒத்துப் போவதை நீங்கள் புரிந்து கொள்ள முடியும்.
எனவே, பாரதியின் ஆழ்மனத்தில் ஆழப் பதிந்தவை, ஜாதி, வருண வேறுபாடு வேண்டும் என்பதும், சனாதனமே சிறந்த தருமம் என்பதும், பெண் ஆணுக்குக் கட்டுப்பட்டு கடமை செய்ய வேண்டியவள் என்பதும், பொதுவுடைமை கூடாது என்பதும், திராவிட இயக்க எதிர்ப்பு என்பதும் ஆகும்.

பொன்னம்பலனாரும், மற்றவர்களும் கூறுவது போல, கஞ்சா மயக்கத்தில், கடன் தொல்லையில், பார்ப்பனர்கள் தனக்கு உதவவில்லை என்ற வெறுப்பில் கூறிய, பாடியவையே பார்ப்பன எதிர்ப்பும், பெண்ணுரிமையும், ஜாதி உயர்வு தாழ்வு இல்லை என்பதும், அவையும் பாரதியால் தொடக்க காலத்தில் கூறப்பட்டவை. பின்னாளில் அவர் முழுக்க முழுக்க சனாதனவாதியாகவே மாறி கருத்துகளைக் கூறினார் என்பதே நாம் இதுவரை உறுதி செய்த உண்மைகள். எனவே, பாரதி ஆர்.எஸ்.எஸ். முன்னோடி என்பது அய்யத்திற்கு இடமில்லா அப்பட்டமான உண்மையாகும்!.