*"யார் இந்த திலகர்?"*

*- மயிலாடன் -*

ஒற்றைப் பத்தி

லோக மான்ய பாலகங்காதர திலகர் என்று பார்ப்பனர்களால் ஏற்றிப்

லோக மான்ய பாலகங்காதர திலகர் என்று பார்ப்பனர்களால் ஏற்றிப் போற்றப்படுபவரின் பிறந்த நாள் இந்நாள் (1856).

‘லோக மான்ய' என்றால், உலகத்திற்கே அறிவுரை சொல்பவர் என்று பொருளாம். இவர் அப்படி என்ன  அறிவுரை கூறியிருக்கிறார் என்பது கவனிக்கத்தக்கது.

‘‘இப்பொழுது எல்லோரும் சட்ட சபைக்குச் செல்லவேண்டுமென்று முயற்சி செய்கிறார்கள். செருப்புத் தைக்கிறவனும், எண்ணெய் செக்கு ஆட்டுபவனும், வெற்றிலைப் பாக்குக் கடைக்காரனும்  (The Gobblers, The Oil Mongers, and Petty Traders) சட்டசபைக்குப் போகவேண்டும் என்று முயற்சி செய்கிறார்கள். யார் யார் எது எதற்குப் போகவேண்டுமென்ற ஒரு வரைமுறை கிடையாதா?'' என்று பேசியவர்தான் உலகத்திற்கே அறிவுரை கூறும் இந்த லோகமான்யர்.

(ஆதாரம்: டாக்டர் அம்பேத்கர் அவர்களின் ‘‘காந்தியாரும் - காங்கிரசும் தீண்டாத மக்களுக்குச் செய்தது என்ன?'' என்ற நூல்!

''இவரைப் பற்றி மேற்கோளாக அடிக்கடி கூறப்படுவது 'சுயராஜ்யம் நமது பிறப்புரிமை' என்பார் திலகர் என்ற வாசகங்கள்.

இவரது 'சுயராஜ்யம்' மனு ஆட்சி தான் என்பதற்கு மகாராஷ்டிர அரசின் கல்வித் துறை 1994-இல் வெளியிட்ட 'சத்திரபதி சாகு - சமூக ஜனநாயகத்தின் தூண்' (Chatrapathi Sahu - The Pillar of Social Democracy) என்ற நூலில், 363-364 பக்கங்களில் (“Our Law is Manu Smriti" and pointed out that the law (Manu Smriti) orders king to administer with the help of learned persons and Brahmins - (Samagra Lokmanya Tilak- Vol. V- pages 449-50)

*"நமது சட்டம் மனுஸ்மிருதிதான்" என்று கூறிய திலகர், கற்றறிந்தவர்கள் மற்றும் பார்ப்பனர்களின் உதவியுடன் அரசன் ஆட்சி நடத்த வேண்டும் என்று இந்த மனுஸ்மிருதி சட்டம் இருப்பதைச் சுட்டிக் காட்டினார்.*

Manu Smriti was to be the law of Swarajya, according to Tilak. (Tilak's speech at Yeotmal on 9th Jan 1917)

சுயராஜ்யத்தின் சட்டமாக மனு ஸ்மிருதிதான் இருக்க வேண்டும் என்று திலகர் விரும்பினார். (யோத்மாலில் 1917 ஜனவரி 9 அன்று திலகர் பேசிய பேச்சு)

"In his speech at Athani on 11th November 1917, Tilak used strong language and strong logic in denying position to different professional castes in the Legislative Council of Bombay Presidency."

*பம்பாய் மாகாண சட்ட மன்ற மேலவையில் பல்வேறுபட்ட தொழில் செய்பவர்களுக்கு இடம் அளிப்பதை எதிர்த்து திலகர், ஆதானியில் 1917 நவம்பர் 11 அன்று பேசிய தமது பேச்சில் கடுமையான மொழியில், ஒரு தீவிரமான வாதத்தை முன்வைத்தார்.*

"Tilak advised the untouchables not to take secondary education after primary education; he wanted them to learn crafts of their caste. He thus, believed in the continuation of caste professions for untouchables, and not in giving higher education to them."

*"தொடக்கக் கல்விக்குப் பின் இடைநிலைக் கல்வியைத் தொடர வேண்டாம்" என்று தீண்டத்தகாத மக்களுக்குத் திலகர் ஆலோசனை கூறினார். இதன் மூலம் தீண்டத் தகாத மக்களின் ஜாதித் தொழில்களை அவர்கள் தொடர்ந்து கடைப்பிடிப்பதை நம்பிய திலகர் அவர்களுக்கு உயர் கல்வி அளிக்கப்படுவதை எதிர்த்தார்.''*

மற்றொரு முக்கிய தகவல் உண்டு. இந்தத் திலகர் மரணமடைந்தபோது (01.08.1920) இறுதி நிகழ்ச்சியில் காந்தியார் கலந்துகொண்டு மரியாதை செலுத்தினார்.

அப்பொழுது திலகரின் பாடையைத் தம் தோளிலும் தூக்கவேண்டும் என்று கருதிய காந்தியார் அங்கு சென்றபோது, அங்கிருந்த பார்ப்பனர்கள், ‘நீ வைசியன், பிராமணராகிய திலகரின் பாடையைத் தூக்கக் கூடாது' என்று கூறி, காந்தியாரைப் பிடித்துத் தள்ளிவிட்டனர்.

காரணம், திலகர் அந்த அளவுக்கு வருணாசிரம வெறியர் என்பதுதான்.

*நன்றி : "விடுதலை" நாளிதழ் 23.07.2018*

அம்பேத்கர் திரைப்படத்தில் வரும் காட்சிகள் :

மாணவன் 1: "டேய், நமக்குப் பாடம் எடுக்கப்போறவன் ஒரு தீண்டத்தகாதவனாம்!"

மாணவன் 2: "எங்க அப்பாவுக்கு இது தெரிஞ்சது, அவ்வளவுதான்"

மாணவன் 3: "இந்தத் தீண்டத்தகாதவன் நம்மகிட்ட இங்கிலீஷ்ல பேசப் போறானாம்!"

மாணவர்கள் தங்களுக்குள் சிரித்துக்கொள்கின்றனர்.

அம்பேத்கர்: "I am professor ambedkar. நான் உங்களுக்கு எடுக்கப் போற சப்ஜெட், அரசியல்-பொருளாதாரம். ஒருவேள நான் உங்களுக்கு என்ன கத்துக்குடுக்க முடியுமின்னு நீங்க நெனைச்சீங்கன்னா.. என் அறிமுகம் உங்க சந்தேகத்த போக்கும். I have a M.A and Ph.d in Public Finance from the Colombia university in new york. My thesis covered the financial history of india from 1765 to the present. In addition i am working towards an Msc from the London school of economics. இனியும் எனக்குக் கற்பிக்கத் தகுதியில்லை என்று உங்களில் யாரேனும் நினைத்தால், அவர்கள் தாராளமாக வகுப்பறையைவிட்டு வெளியே செல்லலாம்.Now!"

மாணவர்களிடையே அமைதி.

"சரி, நாம் துவங்குவோமா?"

அடுத்தக் காட்சி :

இடைவேளையின் போது Professor'களுக்கான அறையில் வைக்கப்பட்டிருந்த பானையில் அம்பேத்கர் நீர் அருந்த முயலும் போது, ஒருவர் குறுக்கிடுகிறார்.

"டாக்டர் அம்பேத்கர்!"

"யெஸ்"

"நான் Professor திரிவேதி. இந்தக் குடிதண்ணீர் இங்குப் பணிபுரியும் Professor'களுக்கு மட்டும்தான்"

"அப்படியென்றால் நான் யார்?"

"யெஸ்..யெஸ்.. நீங்களும் Professor'தான்னு நாங்க ஒத்துக்கிறோம். ஆனா ஒரு முக்கியமான விஷயம், நீங்கள் குடிக்கும் தண்ணீரை உங்கள் வீட்டிலிருந்துதான் கொண்டுவர வேண்டும்"

அம்பேத்கர் குவளையில் தண்ணீரை ஊற்றிக்கொண்டு அங்கிருக்கும் அனைவரையும் பார்த்துச் சொல்கிறார்,

"இந்தக் குடிநீரை நான் குடிப்பது மெத்த படித்த உங்களுக்குப் பிடிக்கவில்லை என்றால், நீங்கள் அருந்தும் குடிநீரை உங்கள் வீட்டிலிருந்து கொண்டுவாருங்கள்"

பின் நீரை அருந்திவிட்டுச் சொல்கிறார்,

"அல்லது தூய்மைப்படுத்துங்கள்"

அடுத்து, திரிவேதியைப் பார்த்துக் கேட்கிறார்,
"நீங்கள் திரிவேதி (அதாவது,மூன்றுவேதம் கற்றவர்). உங்களுக்குத் தீட்டுப்பட்ட நீரைத் தூய்மைப்படுத்தும் மந்திரம் தெரிந்திருக்கனுமே.. தெரியாது?"

திரிவேதி தலைகுனிகிறார்.

"தெரியாதெனில் நான் கூறுகிறேன். அமேதீஸ்டுவ சண்டாள மத்தியமாம் சாதி தூஷிட்டா ஹர்ஸமித் ஹர்ரிஷ்ட்ட ஸ்மிருதி.."

குவளையை வைத்துவிட்டு, புத்தகத்தை எடுத்துக்கொண்டு, "மீண்டுமொருமுறை சொல்லவா?" என அவரைக் கேட்டுவிட்டு, அந்த சுலோகத்தைச் சொல்லிச் செல்கிறார்.
#அண்ணல்அம்பேத்கர்💙
#அறிவாசான்💙

பா.ஜ.க. ஆளும் உ.பி.யில் நடந்த கொடூரம்

கீழே கிடந்த மாம்பழத்தை சாப்பிட்டதற்காக தாழ்த்தப்பட்ட பெண் அடித்துக் கொலைபதேபூர், ஜூன் 30 -உத்தரப் பிரதேச மாநிலம் பதேபூர் மாவட்டத்தில், கீழே கிடந்த மாம்பழத்தை எடுத்துச் சாப் பிட்டதற்காக, தாழ்த்தப்பட்ட பெண் ஒருவர் அடித்துக் கொலை செய்யப்பட்ட கோரச் சம்பவம் நடந்துள்ளது.பதேபூர் அருகிலுள்ள ஒரு கிராமத்தில் வசித்து வந்தவர் ராணிதேவி. தாழ்த்தப்பட்ட வகுப்பைச் சேர்ந்த இவர், கால்நடைகள் மேய்க்கும் தொழிலாளி ஆவார். அந்த வகையில், மாந் தோப்பு ஒன்றுக்குள் கால்நடை களை மேய்த்துக் கொண்டு இருந்துள்ளார். அப்போது, அங்குள்ள மரத்திலிருந்து மாம் பழம் ஒன்று கீழே விழுந்து கிடந்துள்ளது. அதை ராணி தேவி எடுத்துச் சாப்பிட்டுள்ளார்.  அதைப் பார்த்துவிட்ட தோப் பின் உரிமையாளர், ராணி தேவியை ஒரு பெண்என்றும் பாராமல், சரமாரியாக மிகக் கொடூரமான முறையில் தாக் கியுள்ளார். இதில் ராணி தேவி படுகாயமடைந்துள்ளார்.

எனினும் தட்டுத்தடுமாறி வீட்டுக்கு வந்த ராணி தேவி, மயங்கி கீழே விழவே,அவரை உள்ளூர் மருத்துவமனைக்கு கொண்டுசென்றுள்ளனர். அங்கிருந்த மருத்துவர்கள் கான் பூருக்கு அழைத்துச் செல்லு மாறு கூறியுள்ளனர். அதன்படி கான்பூருக்கு சென்று கொண்டி ருந்தபோது, வழியிலேயே ராணி தேவி இறந்துள்ளார். பழுத்து அதுவாகவே உதிர்ந்த மாம்பழத்தைச் சாப்பிட்டதற் காக, தாழ்த்தப்பட்ட பெண் அடித்துக் கொல்லப்பட்டது, பதேபூர் மாவட்டத்தில் பர பரப்பை ஏற்படுத்தியுள்ளது. ராணி தேவியை அடித்துக் கொன்றவரை கைதுசெய்ய வேண்டும் என்று கோரிக்கைகள் எழுந்த நிலையில், தோப்பின் உரிமையாளர் தற்போது தலை மறைவாகி இருக்கிறார்.

- விடுதலை நாளேடு, 30.6.18

பேய்', பிசாசுகள்' பயத்தைப் போக்க சுடுகாட்டில் உண்டு, உறங்கிய எம்.எல்.ஏ.

அமராவதி, ஜூன் 26 ஆந்திர மாநிலம் மேற்கு கோதாவரி மாவட்டத்தில் உள்ள பால கோல் சட்டமன்ற உறுப்பினராக இருப்பவர் நிம்மல ராம நாயுடு. தெலுங்கு தேசம் கட்சியைச் சேர்ந்த இவர், தனது தொகுதியில் உள்ள பாலகோல் புறநகர் பகுதியில் இருக்கும் சுடுகாடு ஒன்றில் நேற்று முன் தினம் இரவு உணவு சாப்பிட்டு அங்கேயே கட்டில் போட்டு தூங்கியுள்ளார்.

அந்தசுடுகாடுகடந்தபல ஆண்டுகளாக யாரும் பயன் படுத்தாமல் சிதிலமடைந்து இருந்துள்ளது. இதனை அடுத்து, ராம நாயுடுவின் கோரிக்கையை ஏற்று மாநில அரசு சுடுகாட்டை புனரமைக்க ரூ.3 கோடி ஒதுக்கியது. ஆனாலும், இந்த திட்டத்திற்கு யாருமே டெண்டர் எடுக்கவில்லை.

திட்டம் இழுபறியாககிடந்த நிலையில், ஒரு ஒப்பந்தக்காரர் முன்வந்தார். பணிகள் தொடங்கிய நிலையில், அங்கு பேய், பிசாசு உலவுவதாக வந்த வதந்தியை அடுத்து தொழிலாளர்கள் யாரும் பணி செய்ய முன்வரவில்லை. இதனால், கடுப்பான எம்.எல்.ஏ., ராமநாயுடு, நேற்று முன்தினம் கட்டிலுடன் சுடுகாட்டுக்கு வருகை தந்தார்.

அங்கேயே இரவு உணவை முடித்த அவர், இரவு முழுவதும் அங்கேயே தூங்கினார். அவருடன் ஒரே ஒரு உதவியாளர் உடனிருந்ததாக கூறப்படுகிறது. மறுநாள் காலையில் தனது வீட்டுக்கு ராம நாயுடு புறப் பட்டுச்சென்றார்.அவரது இந்த அதிரடிக்கு பலனாக 50 தொழிலாளர்கள் வேலை செய்ய தொடங்கினர்.

இதனால்,மகிழ்ச்சி அடைந்த ராம நாயுடு, பேய், பிசாசு' பயத்தை போக்கவே இங்கு தூங்கினேன். இனி மேலும் பலர் பயமில்லாமல் வேலை செய்ய வருவார்கள் என்ற நம்பிக்கை உள்ளது. அனைத்துவசதிகளும்கொண்ட நவீன சுடுகாடாக இது மாற் றப்படும். எனக் கூறியவர், கொசுக்கடி மட்டும் அதிகமாக இருந்தது என  தெரிவித்துள்ளார்.

-விடுதலை நாளேடு, 26.6.18

பா.ஜ.க.வினரின் பாலியல் வன்கொடுமைப் பட்டியலைப் பாரீர்!

தார்மீக ஒழுக்கம் பற்றி வாய் கிழிய பேசும் பா.ஜ.க.வினர் -  சங்பரிவார்க் கும்பலினர் பெண்களை எப்படியெல்லாம் போகப் பொருளாகக் கருதி சீரழித்துள்ள னர் என்பதற்கு ஆதாரமாக நீண்ட பட்டியல் உண்டு. எடுத்துக் காட்டாக இங்கே சில தரப்படுகின்றன. அவர்கள் கூறும் இந்து ராஜ்ஜியம் என்பது இதுதான்!

பாஜக பிரமுகரால் பாலியல்  வன்கொடுமைக்கு ஆளான வழக்குரைஞர்

* அரியானா மாநிலத்தின் பாஜக தலைவர் சுபாஷ் பராலாவின் மகனை காவல்துறையினர் பாலியல் புகாரில் கைது செய்துள்ளனர். அரியானா மாநிலத்தின் பாஜக தலைவர் சுபாஷ் பராலா. இவரது மகன் விகாஸ் பராலா. விகாஸும் அவருடைய நண்பர் ஆசிஷ் குமார் என்பவரும் நள்ளிரவு 12 மணியளவில் பெண் ஒருவரை காரில் பின்னாலேயே துரத்திச் சென்றுள்ளனர்.

*கருநாடக பாஜக எம்.எல்.ஏக்கள் 3 பேர் சட்டசபையில் ஆபாசப் படம் பார்த்து மாட்டிக் கொண்டனர்.

*குஜராத் பாஜக அமைச்சர்கள் 2 பேர் சட்டசபையில் ஆபாசப் படம் பார்த்த போது பிடிபட்டு, பாஜகவின் கலாச் சாரத்தை நாடு முழுவதும் தெரிய வைத் தனர்.

*அருணாசலப் பிரதேச பாஜக எம்.எல்.ஏ. ராமகந்த தேவ்ரி, விடுதி ஒன்றில் ஒரு பெண்ணுடன் அந்தரங்கமாக இருந்த காணொலி வெளியாகி மாட்டிக் கொண்டார்.

*மத்தியப் பிரதேசத்தில் பாஜக செய்தித் தொடர்பாளர் நீரஜ் சாக்யா, விபச்சார விடுதி நடத்திவந்தார் - இவரை காவல் துறையினர் கைது செய்தனர். பின்னர் அரசியல் தலையீடு காரணமாக விடுதலை செய்யப்பட்டார்.

*இமாச்சலப் பிரதேசத்தில் விடுதி ஒன்றில் பெண் ஒருவருடன் விபச்சாரத்தில் ஈடுபட்ட பாஜக மூத்த தலைவர் ராஜிந்தர் ராணா, எதிர்க்கட்சிகளின் போராட்டத் திற்குப் பிறகு பதவி விலகினார்.

*மத்தியப் பிரதேச நிதி அமைச்சரும், பாஜக மூத்த தலைவருமான ராகவ்ஜி, வீட்டு வேலைக்காரப் பெண்ணை பாலியல் துன்புறுத்தல் செய்ததாக கைது செய்யப்பட்டார்.

*குஜராத் மாநில பாஜக செயலாளராக இருந்த சஞ்சய் ஜோஷியின் ஆபாசக் காணொலி வெளியானதை அடுத்து, கட்சிப் பொறுப்பிலிருந்து விலக நேர்ந்தது.

*மகாராஷ்டிராவில் ஓடும் பேருந்தில் ஒரு பெண்ணை பாலியல் வன்முறை செய்த பாஜக தலைவர் ரவீந்தர பவந் தாதே-யின் காணொலி வெளியாகி, கைது செய்யப் பட்டார்.

*ஜார்க்கண்ட் பாஜக பெண் தலைவர் கீதா சிங் என்பவரின் ஆபாசக் காணொலி வெளியாகி, பெரும் பரபரப்பு கிளம்பியது.

*பாஜகவின் திருப்பூர் வடக்கு மாவட்ட துணைத் தலைவராக இருந்த முத்து என்கின்ற மாரிமுத்து கள்ளக் காதல் விவகாரத்தில் தற்கொலை செய்து கொண்டார்.

*இந்து முன்னணியின் செந்துறை கிழக்கு ஒன்றிய செயலாளர் மணிகண்டன், நந்தினி என்ற தலித் பெண்ணை கூட்டு பாலியல் வன்முறை செய்து, கொடூரமாகக் கொலை செய்த வழக்கில் சிக்கியுள்ளார்.

*ஆர்.எஸ்.எஸ். தலைவரும், மேகாலயா ஆளுநருமான சண்முக நாதன் (பாஜக நியமனம்), பாலியல் குற்றச்சாட்டில் சிக்கி, ஆளுநர் பொறுப்பிலிருந்து விலகும்படி ஆனது.

கொடூர வன்புணர்வும், கொலையும்

ஜம்மு காஷ்மீரின் கத்துவா மாவட்டத்தில் ஜனவரி 10, 2018 அன்று எட்டு வயது சிறுமியான ஆசிஃபா பானு காணாமல் போனாள். எட்டு வயது ஆசிஃபா தன் வீட்டு குதிரைகளை நீர் அருந்த அழைத்துச் செல்லும் போது கடத்தப்பட்டிருக்கிறார். இந்நிலையில் ஆறு நாட்கள் கழித்து, அவளது இல்லத்தில் இருந்து ஒன்றரை கிலோமீட்டர் தொலைவில் ஆசிஃபாவின் உடல் ஜனவரி 17, 2018 அன்று கிடைத்தது. பிரேத பரிசோதனையில், ஆசிஃபாவை கடத்தியவர்கள் அவளை கொலை செய்வதற்கு முன்பாக பாலியல் வன் கொடுமை செய்திருக்கிறார்கள் என்பது உறுதிப்படுத்தப்பட்டது.

இதனிடையே, ஜனவரி 10 அன்று ஆசிஃபா பெற்றோர்கள் தங்கள் மகள் காணாமல் போனாள் என்று காவல் நிலையத்தில் புகாரளித்தும் காவல்துறையினர் நடவடிக்கை ஏதும் எடுக்கவில்லை. மாறாக ஆசிஃபாவின் பெற்றோரை நீங்களே தேடுங்கள் என்று அறிவுறுத்தி அனுப்பியுள் ளார்கள். பின்னர் பெயருக்கு ஒரு புகாரை பெற்றுக்கொண்டு பெயரளவில் ஒரு தேடுதலை நடத்தி இருக்கிறார்கள்.

ஆசிஃபாவின் உடல் கண்டெடுக்கப்பட்ட போது அவளது உடல் முழுவதும் மனிதப் பற்கள் கடித்ததற்கான தடயங்கள் இருந்தன. அவளை பலாத்காரம் செய்துவிட்டு அவள் மீது கற்கள் வீசி அவள் உடலை சிதைத் திருக்கிறார்கள். அவளது தோள்பட்டை எலும்பு, நெஞ்செலும்புகள், கைகள், இடுப்பு எலும்புகள் யாவும் நொறுங்கிய நிலையில் இருந்தன. ஆசிஃபாவை கோயி லுக்குள் கொண்டு சென்று பல நாட்கள் கூட்டு பலாத்காரம் செய்து அவள் மீது மின்சாரம் பாய்ச்சியிருக்கிறார்கள்.

அரசியல் தலையீடுகள் காரணமாக இந்த வழக்கு மிக மெதுவாக நடந்துவந்த நிலையில், அரசியல் தலையீடுகளைக் கடந்து காவல்துறைக் கண்காணிப்பாளர் ரமேஷ் குமார் ஜல்லா, அவரது உதவியாளர் நவீத் பிர்சாதா ஆகியோர் இந்த வழக்கில் விசாரணை மேற்கொண்டு, தற்போது குற்றவாளிகளைக் கண்டுபிடித்துள்ளார்கள். இந்த வழக்கில் கோவில் பூசாரி அவரது மகன், உள்ளூர் ஆர்.எஸ்.எஸ் பிரமுகர், மூன்று காவல்துறை அதிகாரிகள் குற்றவாளி களாக அடையாளம் காணப்பட்டு கைதுசெய் யப்பட்டுள்ளனர்

இந்த வழக்கை விசாரிக்கக் கூடாது, கைது செய்தவர்களை விடுதலை செய்யவேண்டும்  என்று ஜம்மு-காஷ்மீர் அரசில் கூட்டணி வகிக்கும் பாஜவின் இரண்டு அமைச்சர்கள் மற்றும் பாஜகவினர் ஊர்வலம் சென்றனர். இந்த ஊர்வலத்தில் கலந்துகொண்ட ஒரு பாஜக சட்டமன்ற உறுப்பினருக்கு அமைச்சர் பதவியும் வழங்கப்பட்டுள்ளது,  இந்த வழக்கை விசாரணை செய்யும் ஸ்வேதாம்பரி சர்மா என்ற காவல்துறை அதிகாரியிடம் நாங்கள் பிராமணர்கள் வேதத்தில் பிராமணர்கள் தவறுசெய்வது பாவமல்ல என்று குறிப்பிட்டுள்ளது. ஆகையால் எங்கள் மீதான வழக்கை திரும்ப பெறுங்கள் என்றும் குற்றவாளிகளும் அவர்களது தரப்பு பாஜக பிரமுகர்களும் மிரட்டியுள்ளனர்.

பா.ஜ.க சட்டமன்ற உறுப்பினர்களே....

*உத்தரபிரதேசத்தைச் சேர்ந்த பெண் ஒருவர் உத்தரப் பிரதேசமாநிலம் சாஜகான்பூர் பாஜக சட்டமன்ற உறுப்பினர் மனோஜ் வர்மா மகன் தன்னை வலுக்காட்டயமாக கடத்திச் சென்று  பாலியல் பலாத்காரம் செய்து விட்டதாகவும் தனக்கு  நீதி வேண்டும் எனவும் ஷாஜகான்பூர் ஆணையர் அலுவலகம் முன் (9.5.2018) தர்ணா போராட்டத்தில் ஈடுபட்டார்.

இந்தப் பாதிப்பு 2012 ஆம் ஆண்டு நடந்துள்ளது. அப்போது அப்பெண்ணிற்கு 16வயது ஆகும். அந்த பெண்ணை கடத்திச் என்ற எம்.எல்.ஏ. மகன் அவரை 9 நாட்கள் சிறைவைத்து பாலியல் பலாத்காரம் செய்தார் என தெரிவிக்கப்பட்டுள்ளது.

பா.ஜ.க எம்.எல்.ஏ. மகனால் பாதிக்கப்பட்ட பெண்

அப்பெண்ணின் புகாரை மாநில காவல் துறையினர் பதிவு செய்யாமல் அவரையும் அவரது குடும்பத்தினரையும் மிரட்டி வரு கின்றனர். இதனால் அவரது குடும்பம் மிகவும் மன உளைச்சலுக்கு ஆளாகியுள்ளது என்றும் குற்றவாளி மீது அரசு நடவடிக்கை எடுக்க வில்லை என்றால் தான் தீக்குளித்து தற்கொலை செய்து கொள்வேன் என்றும் கூறி வருகிறார்.

உ.பி. பா.ஜ.க. சட்டமன்ற உறுப்பினர் குல்தீப் சிங் செங்கார் மற்றும் அவரது சகோதரர்

*உன்னாவ் பாஜக சட்டமன்ற உறுப்பினர் குல்தீப் சிங் செங்கார், மற்றும் அவரது சகோதரர் உறவினர்கள் உதவிகேட்டு வந்த 16 வயது பெண்ணை பாலியல் வன்கொடுமை செய்துவிட்டதாக கூறி புகார் கொடுத்தும் ஏற்காமல் காவல்துறை பாதிக்கப்பட்ட பெண்ணின் தந்தையை பொய்வழக்கில் கைதுசெய்து காவல் நிலையத்திலேயே அடித்துக் கொலை செய்தது. அதன் பிறகு நீதிமன்றத்தின் கண்டனத்திற்குப் பிறகு குற்றவாளி யான சட்டமன்ற உறுப்பினர், அவரது சகோதரர் மற்றும் உறவினர்கள் கைது செய்யப் பட்டனர். சில நாட்களுக்கு முன்பு பாஜகவின் உத்தரப்பிரதேச மூத்த தலைவரும் வழக்குரைஞருமான சதீஷ் சர்மா பெண் வழக்குரைஞர் ஒருவரை மயக்க மருந்து கொடுத்து பாலியல் வன்கொடுமை செய்துள்ளார். அப் பெண்ணும் லக்னோ சாலையில் போராடி வருகிறார். இந்த நிலையில் மீண்டும் பாஜக சட்டமன்ற உறுப்பினரின் மகன் மீது இதே போன்று ஒரு குற்றச்சாட்டு எழுந்துள்ளது. இந்நிலையில் பாலியல் வன்கொடுமை தொடர்பான தட வியல் சான்றுகள் அய்தராபாத் பரிசோதனை சாலைக்கு அனுப்பப்பட்டது, தற்போது அந்த முடிவுகள் சிபிஅய் வசம் ஒப்படைக்கப்பட்டுள்ளது அதில் சிறுமியை பாலியல் வன்கொடுமை செய்தது குல்தீப் சிங் செங்கார்தான் என்பது உறுதிசெய்யப் பட்டுள்ளது.

*மோடியின் அரசில் உரத்துறை அமைச்ச ராக இருக்கும் நிகால் சந்த் மேக்வால் எனபவர் மீது அரியானாவைச் சேர்ந்த சிறுமியை இவர் மற்றும் இவரைச்சேர்ந்த பாஜகவின் மிக முக்கிய பிரமுகர்கள் 17 மீது சிறுமியை பாலியல் வன்கொடுமை செய்ததாக கூறிய வழக்கு ஒன்று நிலுவையில் உள்ளது, சிறுமி பாலியல் வன்கொடுமை விவகாரம் அரியானாவில் குறிப்பிட்ட உயர்ஜாதி சமூகத்தினரிடையே பெரும் கொந்தளிப்பை ஏற்படுத்தியுள்ளது, பாதிக்கப்பட்ட சிறுமி அந்த உயர்ஜாதியைச் சேர்ந்தவர் ஆகும்.  சிறுமியை அரியானா, ராஜஸ்தான் என இருமாநிலத் திற்கும் அழைத்துச்சென்று மயக்கமருந்து கொடுத்து தொடர்ந்து பாலியல் வன்முறை செய் தார்கள். குற்றவாளிகள் அனைவரையும் அந்த சிறுமி அடையாளம் காட்டிவிட்டது, ஆனால் இரண்டு மாநில காவல்துறையும் சிறுமி விவகாரத்தில் மத்திய அமைச்சர் தொடர்பிருப்பதால் அமைதிகாத்து வருகிறது, இரண்டு மாநிலத்திலுமே பாஜக ஆட்சியில் உள்ளது.  அந்தப் பெண்ணை அழைத்துக் கொண்டு காவல் நிலையங்களுக்கும் மாநிலங்களுக்கும் இடையில் அலைந்து திரிந்த கம்யூனிஸ்ட் கட்சி பிரமுகர் ஹெத்ராம் பெனிவால் என்பவர் இறுதியில் தனது வழக்குரைஞர் நண்பர்களான இந்தர்ஜித் பிஷ்னோய் மற்றும் நவ்ரங் சவுத்ரி ஆகி யோரின் உதவியோடு வழக்கு பதிந்துள்ளார். ஜெய்பூர் நீதிமன்றத்தில் வழக்கு பதிவு செய்துள்ளார்.

- இத்தியாதி இத்தியாதி கேவலங்களை இந்துத்துவாதிகள் கூச்சநாச்சம் இல்லாமல் நாள்தோறும் செய்து வருகின்றனர்.

-  விடுதலை ஞாயிறு மலர், 12.5.18

கடவுள் அவசியமா?

01.07.1928- குடிஅரசிலிருந்து....

சர்வ வல்லமையுள்ள என்று சொல்லப்படுவதான ஒரு கடவுள் இருக் கின்றார் என்பதை (அது என்னது என்று புரியாவிட்டாலும்) விவகாரமில்லாமல் ஒப்புக் கொள்ளுவ தாகவே வைத்துக் கொண்டாலும் மனிதனின் வாழ்க்கைக்கு அக்கடவுளின் சம்பந்தமோ வழிபாடோ அவசியமா? அல்லது மனிதனுக்குச் சில குணங்களைக் கைக்கொண்டு அதன்படி ஒழுகும் தன்மை அவசியமா என்பதே நமது கேள்வி. அன்றியும் அப்படிப்பட்ட ஒரு கடவுள் தன்னை மக்கள், வழிபட வேண்டும் என்றாவது தனக்குக் கோவில் கட்ட வேண்டுமென்றாவது பூசை, அபிஷேகம், தேர், திருவிழா, உற்சவம் ஆகியவைகளைச் செய்ய வேண்டும் என்றாவது ஆசைப்படுமா? அல்லது மக்கள் சில குணங்களைக் கொண்டு மற்ற ஜீவன்களிடத்தில் இன்ன இன்ன விதமாய் நடந்து கொள்ள வேண்டும் என்பதை யோசித்துப் பார்த்தால் கடவுள் என்பது வாழ்க்கைக்கு வேண்டுமா வேண்டாமா என்று விளங்காமல் போகாது. அன்றியும் அச்சர்வ வல்லமை உள்ள சாமிகளை மக்களுக்கு அறிமுகப்படுத்த இவ்வளவு ஆசாமிகளும் சமயங்களும் வேண்டுமா? என்றும் அந்தச் சாமிகளை இல்லை என்பவர்களுக்கு ருஜுபடுத்த இவ்வளவு வக்கீல்கள் வேண்டுமா? என்றும் கேட்கிறோம்.

இது போலவே ஒவ்வொரு மதத்திலும் ஒவ்வொரு விதமாக உலகத்திற்கும், மக்களுக்கும், கடவுளுக்கும், சம்பந்தம் கற்பிக்கப் பட்டிருந்தாலும் புத்த மதம் என்பதில் மனிதன் நடந்துகொள்ள வேண்டிய ஒழுக்கங்களைத் தவிர வணக்கம் என்பதை அம்மதத் தலைவர் ஒரு சிறிதும் வலியுறுத்தியிருப்பதாகக் காணப்பட வில்லை.

அன்றியும் அவர் கடவுளைப் பற்றியோ கடவுளை வணங்குவது பற்றியோ, கடவுள் நெறி உணர்த்திய பெரியோர்களை மரியாதை செய்வது பற்றியோ கவலை கொண்டு ஒரு கடுகளவு நேரமாவது செலவழித்திருப்பதாகவும் காணக் கிடக்கவில்லை. அன்றியும் அதைப்பற்றிய வார்த்தைகளையாவது அவர் எங்காவது உபயோகித்திருப்ப தாகச் சொல்பவர்களும் காணக்கிடக்கவில்லை. அப்படிப் பட்ட ஒருவரை மதத் தலைவராகவும் அக்கொள்கையை - அம்மதத்தை அச்சமயத்தை இன்றைய தினம் உலகத் திலுள்ள மொத்த ஜனத்தொகையில் மூன்றில் ஒரு பங்குக்கு மேல் அதாவது 50 கோடி மக்களுக்கு மேல் தம்மதமாகவும் ஏற்றுக் கொண்டிருப்பதாகச் சொல்லிக் கொண்டிருக் கின்றார்கள்.

அன்றியும் அப்படிப்பட்ட புத்தரைத் தங்கள் கடவுள் அவதார மென்றும் தீர்க்கதரிசி என்றும் பகவான் என்றும் சொல்லிக் கொண்டிருக்கின்ற ஜனங்கள் இந்துமதம் என்பதிலே சைவமதம் என்பதிலே வைணவ மதம் என்பதிலே பல கோடிக் கணக்கானவர்கள் இருப்பதோடு அதற்குப் பல ஆதாரங்களும் வைத்துக் கொண்டிருக் கின்றார்கள். இதை யாராவது மறுக்க முன்வருகின்றார்களா?

மனிதனுக்கு ஏதாவது ஒருமதமோ சமயமோ வேண்டியது அவசியம் என்று யாராவது சொல்ல வருவார்களானால் புத்த மதம் என்பதும் உலகாயுத மதம் என்பதும், சூன்ய மதம் என்பதும், இயற்கை மதம் என்பதும் மதங்கள் என்று தானே சொல்லப்படுகின்றன? அப்படி இருக்கையில் அம்மதங்களில் ஏதாவது ஒன்றைக் கொண்டவர்கள் பலர் இருக்கலாம். எனவே அது எப்படி குற்றமுடைய தாகும். எப்படி பல மதங்களுக்கும் சமயங்களுக்கும் தலைவரும் காலமும் இல்லாமல் இருக்கின்றதோ அது போலவே இம்மதங்களில் சிலவற்றிற்கும் காலமோ தலைவரோ இல்லாமலிருக்கலாம்.

ஆகவே ஒரு மனிதன் இன்ன மதக்காரனாகவோ, இன்ன சமயக் காரனாகவோ, இன்ன கடவுளை வணங்குகின்ற வனாகவோ இருக்க வேண்டும் என்பதாகக் கட்டளை இடவும், இன்ன மதக்காரனாக இருக்கக்கூடாது என்று நிர்ப் பந்திக்கவும் யாருக்கு உரிமை உண்டு என்று கேட்கிறோம்.

மனிதனுக்கு மதம் வேண்டும் என்பது அந்தந்த மனிதனின் தனி இஷ்டத்தைப் பொறுத்ததா? அல்லது மற்றொருவனுடைய நிர்ப்பந்தமா? என்று கேட்கிறோம்.

துறவிக்கு மதம் ஏது? ஞானிக்கு சமயம் ஏது? கடவுள் ஏது? வேதாந்தத்திற்கு மதம் ஏது? கடவுள் ஏது? சகலத்தையும் துறந்தவர்தானே துறவி? சகலத்தையும் சரி என்று எண்ணு கின்றவர் தானே ஞானி?

சகலமும் மித்தை, பொய், மாய்கை என்று எண்ணுகின்றவன் தானே வேதாந்தி என்பவன்? இவைகளை உலகம் ஒப்புக் கொள்ளுகின்றதா இல்லையா? அங்ஙன மாயின் இம்மூவர்களும் நாஸ்திகர்களா என்று கேட் கின்றோம்.

உலகத்தில் துறவி ஆவதற்கோ, ஞானி ஆவதற்கோ வேதாந்தி ஆவதற்கோ எவனுக்கு உரிமை இல்லை? என்று கேட்பதோடு எந்தப் புத்தகத்தைப் படித்துவிட்டு, யாரிடம் உபதேசம் பெற்று அல்லது எந்தச் சமயத்தை ஏற்று, எந்தக் கடவுளைத் தொழுது துறவியாகவோ, வேதாந்தியாகவோ ஆக வேண்டும் என்கின்ற நிர்பந்தமுண்டா? என்று கேட்கிறோம்.

இவ்விஷயங்களை நாம் வலியுறுத்துவதால் பல நண்பர்களுக்குச் சற்று மனக்கசப்பு ஏற்படலாம் என்பது நமக்குத் தெரியும். ஆனாலும் நம் நாட்டின் விடுதலை கண்டிப்பாய் இந்த விஷயங்கள் விளக்கமாவதில்தான் இருக்கின்ற தேயொழிய வெள்ளைக்காரரிடமும், பார்ப்பனர் களிடமும் நேரில் முட்டிக் கொள்வதால் ஒரு பயனும் இல்லை என்றே சொல்லுவோம்.

வெள்ளைக்கார அரசாங்க முறையும் பார்ப்பனர்களின் ஆதிக்கமும் நமது மானத்திற்கும், அடிமைத்தனத்திற்கும், தரித்திரத்திற்கும் ஆதாரமாயிருக்கின்றன என்பது சத்தியமானாலும் அவ்வக்கிரமும் ஆட்சியும் ஆதிக்கமும் இந்த மதம், கடவுள், சமயம் என்பவைகளான மூடக் கொள்கைகளின் பேரில்தான் கட்டப் பட்டிருக்கின்றது என்பது நமது முடிவு. இம்மூடக் கொள்கைகளை வைத்துக் கொண்டு வெள்ளைக்காரர்களையும், பார்ப்பனர்களையும் பூண்டோடு அழிக்க நம்மால் முடிந்து விட்டாலும் மறுபடியும் வெள்ளைக்காரர்களும், பார்ப்பனர் களும் வேறு எங்காவதிருந்தோ அல்லது நமக்காகவே உற்பத்தியாகியோ நம்மை அடிமைகளாக்கி ஆதிக்கம் செலுத்திக் கொண்டுதான் வருவார்கள் என்பதை ஒவ்வொருவரும் கண்டிப்பாய் ஞாபகத்தில் வைத்துக் கொள்ள வேண்டும் என்பதாகத் தெரிவித்துக் கொள்ளுகின்றோம்.

வெள்ளைக்கார அரசாங்கமோ அல்லது வேறு அன்னிய அரசாங்கமோ இல்லாமல் நம் நாட்டார்கள் என்போர்கள் அரசாண்டு வந்த காலத்திலேயே நாம் அடிமைகளாக தற்குறிகளாக தாசிமக்களாக, தீண்டாதார்களாக இருந்து வந்திருக் கின்றோம் என்பதைத் தயவு செய்து நம்புங்கள் என்று வேண்டிக் கொள்கிறோம்.

நம்புவதற்கு ஏதாவது கஷ்டம் இருந்தால் நம் நாட்டில் நம்மக்களால் சாமுண்டீஸ்வரி பேராலும், பத்மநாபசாமி பேராலும், கிருஷ்ணசாமி பேராலும் ஆளப்படும் மைசூரையும், திருவாங்கூரையும், கொச்சியையும் தயவு செய்து சற்றுத் திரும்பிப் பாருங்கள் என்று வேண்டிக் கொள்கிறோம்.

எனவே, நம் நாட்டிற்கு இப்போது அவசியமாக வேண் டியது என்னவென்றால் மூடநம்பிக்கை ஒழியவேண்டும்; அறிவுக்குச் சுதந்திரமும், விடுதலையும் ஏற்பட்டு அது வளர்ச்சி பெற வேண்டும்; சுயமரியாதை உணர்ச்சி ஏற்படவேண்டும். இம்மூன்றும் ஏற்பட வேண்டுமானால் மதமும், சாமியும் சமயாச்சாரியார்களும் சந்திக்கு வந்து தீரவேண்டுமல்லாமல் இதற்கு வேறு பர்த்தியோ, ராஜியோ இல்லையென்றே சொல்லி இதை முடிக்கின்றோம்.

 

 

திராவிடன், இழிவு தாழ்வு என்னும் சிறைக்குள் சிக்குண்டதற்குக் காரணம் அவன் தன்னைத் திராவிடன் என்று உணராமல் ஆரியன் வசப்பட்டு, ஆரியத்திற்கு - ஆரிய மதம், கலை, ஆச்சாரம், அனுட்டானங்களுக்கு - அடிமைப்பட்ட தல்லாமல் வேறு என்ன காரணம் சொல்ல முடியும்?

- தந்தைபெரியார்
- விடுதலை நாளேடு, 18.5.18

இதுதான் உ.பி. அரசின் சாதனை

உத்தரப்பிரதேசத்தில் சாமியார் ஆதித்யநாத் தலைமையிலான பாரதீய ஜனதா ஆட்சி  நடை பெற்று வருகிறது. அங்கு மார்ச் மற்றும் ஏப்ரல் மாதங்களில் 10ஆவது மற்றும் 12ஆவது  அரசுப் பள்ளி இறுதித் தேர்வுகள் நடைபெற்றன.

இந்தத் தேர்வுகளின் முடிவுகள் கடந்த 29.4.2018 அன்று வெளியானது. அதில்,மாநிலத்தில் உள்ள 150 பள்ளிகளில் ஒரு மாணவர் கூட தேர்ச்சி பெறாத அவலம் நிகழ்ந்துள்ளது மிகப் பெரும் அதிர்ச்சியை எற்படுத்தி உள்ளது. இந்த 150 பள்ளிகளில், 98 பள்ளிகளில் எந்த மாணவரும் 10ஆம் வகுப்பு தேர்வில் தேர்ச்சி பெறவில்லை என்றும், மேலும்  52 பள்ளிகளில் தேர்ச்சி விகிதம் பூஜ்ஜியமாக இருந்தது என்றும் அம்மாநில கல்வித்துறை தெரிவித்துள்ளது. உ.பி.யின் காஷிப்பூர் மாவட்டத்தில்தான் அதிக அளவிலான பள்ளிகளில் மாணவர்கள் தேர்ச்சி பெறவில்லை என்றும், ஆக்ரா மாவட்டத்தில் 9 பள்ளிகளிலும் பூஜ்ய சதவிகித அளவிலான தேர்ச்சி என்றும் கூறப்பட்டுள்ளது. மேலும் காஸிபூர், மிர்ஸாபூர், அலிகார் ஆகிய மாவட்டங்களில் தேர்ச்சி .சதவிகிதம்  மோசமான நிலையில் இருக்கிறது. இதில் ஆச்சரியப்படத்தக்க தகவல் என்னவென்றால் அரசு பள்ளிகள் மட்டுமல்லாமல், தனியார் பள்ளிகளும் இதில் அடக்கம். மேலும் 237 பள்ளிகளில் தேர்ச்சி விகிதம் 20 சதவிகிதம் மட்டுமே என்றும் கூறப் பட்டுள்ளது. இதுகுறித்து விசாரணை நடத்தப்படும் என்று பள்ளி கல்வித்துறை ஆய்வாளர் வினோத் குமார் ராய் தெரிவித்துள்ளார். உ.பி. அரசு கல்வித் துறையில்  எவ்வளவு அழகாக செயல்பட்டு வருகிறது என்பதை  இந்தத் தேர்வு முடிவுகள் வெளிச்சம் போட்டுக் காட்டியுள்ளதாக எதிர்க் கட்சிகள் குற்றம் சாட்டி உள்ளன.  மாணவர்கள் இந்த அளவு மிகவும் மோசமான முறையில் தேர்ச்சி பெறாமல் போனது இதுவே முதல் முறை ஆகும். இது சாமியார் ஆதித்யநாத் ஆட்சிப் பொறுப்பில் அமர்ந்த பிறகு நடக்கும் இரண்டாவது பொதுத்தேர்வாகும். 2016-2017 ஆம் ஆண்டில் தேர்ச்சி விகிதம் குறைவாக இருந்த போது "நான் ஆட்சி ஏற்று இரண்டு மாதங்கள்தான் ஆகியுள்ளது. ஆகவே அடுத்த பொதுத்தேர்வுகளில் உ.பி. மாணவர்கள் தேர்விற்காக எனது அரசு தகுந்த நடவடிக்கை எடுக்கும்" என்று கூறிய நிலையில், அவரது ஆட்சியிலே உத்தரப்பிரதேச வரலாற் றிலேயே மிகவும் மோசமான தோல்வியை பள்ளிக் கல்வித் துறை சந்தித்துள்ளது குறிப்பிடத்தக்கதாகும்.

உ.பி.யில் சட்டப் பேரவைத் தேர்தலில் பிஜேபி வெற்றி பெற்ற நிலையில், இரகளையில் ஈடுபட்டு முதல் அமைச்சர் பதவியைப் பிடித்தவர் இந்த சாமியார் ஆதித்யநாத்.

இவர் ஆட்சிக்கு வந்த நாள் முதல் மதச் சச்சரவுகளும், ஜாதிக் கலவரங்களும் தான் தலைதூக்கி நிற்கின்றன. ஒருக்கால் இவற்றைத்தான் தன் ஆட்சியின் சாதனையாகக் கூறுவார் போலும்!

அரசு அலுவலகங்களுக்கெல்லாம் காவி வண்ணம் பூசுதல் என்பதில் ஆரம்பித்து வேறு வளர்ச்சித் திட்டம் எதிலும் கவனம் செலுத்தாத சீரழிவு ஆட்சிக்குப் பெயர்தான் சாமியார் ஆதித்யநாத் ஆட்சி!

நடைபெற்ற நாடாளுமன்ற இடைத் தேர்தலில் பிஜேபிக்குத் தோல்வியைக் கொடுத்து சாமியார் ஆட்சிக்கு மக்கள் தக்கப் பாடம் கற்பித்தனர்.

போதும் போதாதற்கு 10ஆம் வகுப்பு அரசு தேர்வில் பூஜ்ஜியம் வெற்றி!

கல்வி தானே நல்லாட்சிக்கான நற்சான்றுப் பத்திரம்! அதிலே பூஜ்ஜியம் என்றால் ஆட்சியே பூஜ்ஜியம் என்றுதான் பொருள்.

2019 மக்களவைத் தேர்தலில் உ.பி. மக்கள் மரண அடியைப் பிஜேபிக்குக் கொடுக்கக் காத்துக் கொண்டு இருக்கிறார்கள் என்பதை இப்பொழுதே எழுதி வைத்துக் கொண்டு விடலாம்.
- விடுதலை நாளேடு, 5.5.18